Monthly Archives: August 2021

ບໍລະສັດຮຸ່ງອາລຸນສາຂາແຂວງສາລະວັນ ປະກອບສ່ວນມອບເງິນຊື້ເຄື່ອງອຸປະໂພກ-ບໍລິໂພກ ໃຫ້ພະແນກ ເຕັກໂນໂລຊີ ແລະ ການສື່ສານແຂວງສາລະວັນ ເພື່ອຊ່ວຍເຫຼືອແຮງງານລາວ ຢູ່ສູນກັກບໍລິເວນແຂວງສາລະວັນ

ໃນຕອນເຊົ້າຂອງວັນທີ 17 ສີງຫາ 2021 ທີ່ພະແນກ ເຕັກໂນໂລຊີ ແລະ ການສື່ສານ ແຂວງສາລະວັນ, ທ່ານ ໂທນີ້ ສີສົມພອນ ຕ່າງໜ້າບໍລິສັດຮຸ່ງອາລຸນສາຂາ ແຂວງສາລະວັນ ປະກອບສ່ວນມອບເງີນຊ່ວຍເຫຼືອຊື້ເຄື່ອງອຸປະໂພກ-ບໍລິໂພກ ໃຫ້ພະແນກ ຕສ ແຂວງສາລະວັນ ເພື່ອຊ່ວຍເຫຼືອແຮງງານລາວຢູ່ສູນກັກບໍລິເວນ ພາຍໃນແຂວງສາລະວັນ ທີ່ເດີນທາງມາແຕ່ຣາດຊະອານາຈັກໄທ ຈຳນວນ 5 ລ້ານກີບ, ເປັນກຽດຮັບໂດຍ ທ່ານ ສົມຄິດ ແສນທະວີ ຫົວໜ້າພະແນກ ຕສ ພ້ອມດ້ວຍຄະນະ.

ໃນໂອກາດດຽວກັນນີ້: ທ່ານ ສົມຄິດ ແສນທະວີ ໄດ້ສະແດງຄວາມຊົມເຊີຍ ແລະ ມອບໃບຂອບໃຈ ມາຍັງບໍລິສັດດັ່ງກ່າວ, ເຊິ່ງເຄື່ອງຈຳນວນນີ້ ຈະໄດ້ນຳໄປມອບໃຫ້ຄະນະຮັບຜິດແຕ່ລະສູນ ເພື່ອນຳໄປແຈກຢາຍໃຫ້ແຮງງານທີ່ຢູ່ສູນກັກບໍລິເວນພາຍໃນແຂວງສາລະວັນ.

ກອງປະຊຸມເຜີຍແຜ່ເອກະສານຜົນສຳເລັດວຽກງານກວດກາແຂວງສາລະວັນ ແລະ ສະຫຼຸບຜົນສຳເລັດວຽກງານກວດກາພະແນກ ເຕັກໂນໂລຊີ ແລະ ການສື່ສານ ຕິດພັນກັບການເຊື່ອມຊືມເອກະສານວັນສ້າງຕັ້ງພັກຄອມມູນິດຈີນ ຄົບຮອບ 100 ປີ

ໃນຕອນບ່າຍວັນທີ 5 ສີງຫາ ປີ 2021 ເວລາ 13:30 ທີ່ພະແນກ ເຕັກໂນໂລຊີ ແລະ ການສື່ສານ ແຂວງສາລະວັນ ໄດ້ຈັດກອງປະຊຸມເຜີຍແຜ່ເອກະສານຜົນສຳເລັດ ວຽກງານກວດກາແຂວງ ແລະ ສະຫຼຸບຜົນສຳເລັດວຽກງານກວດກາພະແນກ ຕສ ຕິດພັນກັບການຮັບຟັງການເຊື່ອມຊືມເອກະສານວັນສ້າງຕັ້ງພັກຄອມມູນິດຈີນ ຄົບຮອບ 100 ປີ, ໂດຍພາຍໃຕ້ການເປັນປະທານຂອງທ່ານ ສົມຄິດ ແສນທະວີ ຫົວໜ້າພະແນກ ຕສ ມີຮອງຫົວໜ້າພະແນກ, ຫົວໜ້າຂະແໜງ ແລະ ຮອງຫົວໜ້າຂະແໜງ ພ້ອມດ້ວຍພະນັກງານວິຊາການທຸກຄົນເຂົ້າຮ່ວມທັງໝົດ 22 ທ່ານ, ຍີງ 11 ທ່ານ.

ທ່ານ ສົມຄິດ ແສນທະວີ ຫົວໜ້າພະແນກ ຕສ


ໃຫ້ກຽດຜ່ານບົດສະຫຼຸບກວດກາແຂວງໂດຍ ທ່ານ ຄຳໝອນ ແກ້ວປັດຈິດ ຮອງຫົວໜ້າພະແນກ ເຕັກໂນໂລຊີ ແລະ ການສື່ສານ ຈາກນັ້ນ ທ່ານ ໂສດາໄພ ດວງມະລາ ວີຊາການຮັບຜິດຊອບວຽກງານກວດກາ ຂອງພະແນກ ກໍ່ໄດ້ໃຫ້ກຽດຂື້ນຜ່ານບົດສະຫຼຸບຂອງພະແນກ ຕສ ໃນໄລຍະຜ່ານມາ,


ທ່ານ ສົມຄິດ ແສນທະວີ ຫົວໜ້າພະແນກ ເຕັກໂນໂລຊີ ແລະ ການສື່ສານ, ປະທານກອງປະຊຸມ ກໍ່ໄດ້ໃຫ້ກຽດເຊື່ມຊືມເອກະສານວັນສ້າງຕັ້ງພັກກອມມູນິດຈີນ ຄົບຮອບ 100 ປີ, ພ້ອມກັນນັ້ນ ທ່ານ ກໍ່ຍັງໄດ້ຍ້ອງຍໍຊົມເຊີຍຜົນງານທີ່ຍາດມາໄດ້ໃນແຕ່ລະໄລຍະຂອງພະນັກງານທຸກຂັ້ນ ແລະ ໄດ້ໃຫ້ທິດຊີນຳໃນສົກປີ 2021 ໃຫ້ສຶບຕໍ່ພັດທະນາຕົນເອງ ແລະ ປະຕິບັດວຽກງານທີ່ໄດ້ຮັບມອບໝາຍໃຫ້ປະກົດຜົນເປັນຈີງ ແລະ ບັນລຸເປົ້າໝາຍທີ່ວາງໄວ້.