vilaihack khamsingsavath

ການເຜີຍແຜ່ ຂໍ້ຕົກລົງ ວ່າດ້ວຍການຄຸ້ມຄອງ ແລະ ນໍາໃຊ້ລະບົບກອງປະຊຸມທາງໄກຂອງລັດຖະບານ ຜ່ານລະບົບກອງປະຊຸມທາງໄກ (cv )

ໃນວັນທີ 22 ມັງກອນ 2020 ເວລາ 8:30 ໂມງ ຜ່ານມານີ້,ທີ່ຫ້ອງປະຊຸມ ພະແນກໂທລະຄົມມະນາຄົມ ແລະ ການສື່ສານ ແຂວງ ສາລະວັນ ໄດ້ມີ  ການເຜີຍແຜ່ ຂໍ້ຕົກລົງ ວ່າດ້ວຍການຄຸ້ມຄອງ ແລະ ນໍາໃຊ້ລະບົບກອງປະຊຸມທາງໄກຂອງລັດຖະບານ ຜ່ານລະບົບກອງປະຊຸມທາງໄກ ( cv ),

ເຊິ່ງຈັດຂື້ນໂດຍສູນບໍລິຫານລັດ ດ້ວຍເອເລັກໂຕຣນິກ ມີບັນດາພະແນກ ປທສ 6 ແຂວງ ເຂົ້າຮ່ວມຮັບຟັງ ຈຸດປະສົງຂອງກອງປະຊຸມຄັ້ງນີ້ແມ່ນເພື່ອ ເຜີຍແຜ່ ແລະ ແລກປຽ່ນຄຳຄິດເຫັນໃສ່ຂໍ້ຕົກລົງ ວ່າດ້ວຍການຄຸ້ມຄອງ ແລະນຳໃຊ້ລະບົບກອງປະຊຸມທາງໄກຂອງລັດຖະບານ (video conference)  ສະບັບເລກທີ 2133/ປທສ ນະຄອນຫຼວງວຽງຈັນ,ລົງວັນທີ 21 ສິງຫາ 2019 ແລະ ຂໍ້ຕົກລົງ ວ່າດ້ວຍການຄຸ້ມຄອງ ແລະ ນຳໃຊ້ລະບົບຈົດໝາຍ ເອເລັກໂຕຣນິກຂອງລັດຖະບານ ສະບັບເລກທີ 4023/ປທສ ລົງວັນທີ 19ທັນວາ 2019, ນຳສະເໜີໂດຍທ່ານ ສຸກສະຫວັນ ທຳມະວົງ ຮອງຫົວໜ້າ ພະແນກ ຄຸ້ມຄອງ ແລະ ເຊື່ອມໂຍງ, ສູນບໍລິຫານລັດ ດ້ວຍເອເລັກໂຕຣນິກ

          ຜ່ານການນຳສະເໜີ ບັນດາ ຂໍ້ຕົກລົງແລ້ວນັ້ນ, ຜູ້ເຂົ້າຮ່ວມທັງໝົດຈາກແຕ່ລະແຂວງ ກໍ່ມີການ ຖາມ-ຕອບ ແລກປຽ່ນຄຳຄິດເຫັນ ໃນກອງປະຊຸມ ເພື່ອແລກປຽ່ນຄວາມຄິດເຫັນໃນການຈັດຕັ້ງ ປະຕິບັດຂໍ້ຕົກລົງດັ່ງກ່າວ

          ຜ່ານການແລກປຽ່ນຄວາມຄິດເຫັນຈາກພະແນກ ປທສ ແຕ່ລະແຂວງ ສູນບໍລິຫານລັດ ກໍ່ມີຄວາມເຫັນດີນຳເອົາເນື້ອໃນດັ່ງກ່າວໃປຄົ້ນຄົ້ວ ເພື່ອສືບຕໍ່ພັດທະນາ ແລະ ນຳໃຊ້ເຂົ້າໃນວຽກງງານໃຫ້ເກີດປະໂຫຍດສູງສຸດ

          ກອງປະຊຸມດໍາເນີນ ຮອດເວລາ 11:00 ໂມງ ກໍ່ໄດ້ປິດລົງ

ບໍລິສັດທີ່ໃຫ້ບໍລິການທາງດ້ານໂທລະຄົມເຂົ້າອ່ວຍພອນປີໃໝ່ ສາກົນ 2020

ເນື່ອງໃນໂອກາດ ສົ່ງທ້າຍປີເກົ່າ ຕ້ອນຮັບປີໃໝ່ ສາກົນ 2020 ນີ້, ໃນຄະນະທີ່ປະຊາຊົນບັນດາເຜົ່າທົວປະເທດກຳລັງຟົດຟື້ນ ເພື່ອສະເຫຼີມສະຫຼອງ ຕ້ອນຮັບປີໃໝ່ສາກົນທີຈະມາຮອດມາເຖີງໃນໝໍ່ໆນີ້, ທົ່ວຂົງເຂດ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງສາລະວັນ,

ໂດຍສະເພາະແມ່ນບັນດາບໍລິສັດທີ່ໃຫ້ບໍລິການທາງດ້ານໂທລະຄົມກໍ່ໄດ້ເຂົ້າອ່ວຍພອນປີໃໝ່ແດ່ ທ່ານ ສົມຄິດ ແສນທະວີ ຮັກສາການ ຫົວໜ້າພະແນກ ປທສ ແຂວງສາລະວັນ ພ້ອມດ້ວຍຄະນະ, ເຊີ່ງຄະນະນຳກໍ່ໄດ້ກ່າວຄຳຂອບໃຈຕໍໍ່-ບໍລິສັດ ແລະ ໃຫ້ທິດຊີ້ນຳ ວຽກງານ ຂົງເຂດ ບໍລິການ ໄປສະນີ,ໂທລະຄົມມະນາຄົມ ແລະ ການສື່ສານ ໃຫ້ມີຄວາມ ກ້າວໜ້າ ແລະ ພັດທະນາເປັນກ້າວໆໄປ.

ເນື່ອງໃນໂອກາດ ສົ່ງທ້າຍປີເກົ່າ ຕ້ອນຮັບປີໃໝ່ ສາກົນ 2020 ນີ້, ທົ່ວຂົງເຂດ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງສາລະວັນ,ເຂົ້າອ່ວຍພອນປີໃໝ່ແດ່ ທ່ານການນຳ ແລະ ອາດີດການນຳຂອງແຂວງ

ເນື່ອງໃນໂອກາດ ສົ່ງທ້າຍປີເກົ່າ ຕ້ອນຮັບປີໃໝ່ ສາກົນ 2020 ນີ້, ທົ່ວຂົງເຂດ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງສາລະວັນ, ໄດ້ເຂົ້າອ່ວຍພອນປີໃໝ່ແດ່ ທ່ານການນຳ ແລະ ອາດີດການນຳຂອງແຂວງ, ນຳພາ ໂດຍທ່ານ ທ່ານ ຂັນໄຊ ຣັດຖະເຮົ້າ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ, ທ່ານ ສົມຄິດ ແສນທະວີ ຮັກສາການ ຫົວໜ້າພະແນກ ທປສ, ທ່ານ ຄຳໝອນ ແກ້ວປັດຈິດ ຮອງຫົວໜ້າພະແນກ ປທສ ແລະ ທ່ານ ກັດສະປະ ວຸດທິຈັນທະເດດ ພ້ອມດ້ວຍ ພະນັກງານຫຼັກແຫຼ່ງ ທົ່ວຂົງເຂດ ໄປສະນີ, ໂທລະຄົມມະນາຄົມ ແລະ ການສື່ສານ.

ເຊິ່ງໃນນັ້ນ ທ່ານ ຂັນໄຊ ຣັດຖະເຮົ້າ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ໃຫ້ກຽດຕາງໜ້າ ກ່າວຄຳ ອ່ວຍພອນໄຊແດ່ທ່ານການນຳ, ພ້ອມກັນນັ້ນ, ການນຳ ຂອງແຂວງ ກໍ່ໄດ້ໃຫ້ຄຳໂອ້ລົມ ສະແດງຄວາມຂອບໃຈ  ແລະ ກ່າວຄຳຍ້ອງຍໍ ຊົມເຊີຍ ຕໍ່ ຄະນະນຳຂັ້ນພະແນກ ພ້ອມດ້ວຍ ພະນັກງານ ທຸກທ່ານ ທົ່ວຂົງເຂດ ໄປສະນີ, ໂທລະຄົມມະນາຄົມ ແລະ ການສື່ສານ ທີ່ມີຜົນງານໃນການປະຕິບັດໜ້າທີ່ວຽກງານໃນປີຜ່ານມາ ແລະໃຫ້ທິດຊີ້ນຳ ໃນປີຕໍ່ໄປໃຫ້ດີຂື້ນເລື້ອຍໆ.

ພິທີ ມອບ-ຮັບໜ້າທີ່ ຫົວໜ້າພະແນກ ປທສ ຜູ່ເກົ່າ ແລະ ຮັກສາການ ຫົວໜ້າ ພະແນກ ຜູ່ໃໝ່

ໃນວັນທີ 26 ທັນວາ 2019 ຜ່ານມານີ້, ພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນແຂວງສາລະວັນ ໄດ້ຈັດພິທີ ມອບ-ຮັບໜ້າທີ່ ຫົວໜ້າພະແນກ ຜູ່ເກົ່າ ແລະ ຮັກສາການ ຫົວໜ້າ ພະແນກ ຜູ່ໃໝ່ ຂຶ້ນຢ່າງເປັນທາງການ ລະຫວ່າງ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ່ເກົ່າ ແລະ ທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ່ໃໝ່ ຈັດຂຶ້ນຢູ່ທີ່ຫ້ອງປະຊຸມຂອງບໍລິສັດ ລາວໂທລະຄົມ ມະນາຄົມ ມະຫາຊົນ ສາຂາ ແຂວງສາລະວັນ, ເປັນກຽດເຂົ້າຮ່ວມ ເປັນປະທານ ໂດຍທ່ານ ວິຊຽນ ນະວິກຸນ ຄະນະປະຈໍາພັກແຂວງ, ຮອງເຈົ້າແຂວງສາລະວັນ, ມີການນຳແຂວງ, ຫົວໜ້າ-ຮອງພະແນກການ ແລະ ພາກສ່ວນບໍລິສັດຂົງເຂດ ພະແນກ ປທສ ທີ່ກ່ຽວຂ້ອງເຂົ້າຮ່ວມ.


ໂດຍປະຕິບັດຕາມຂໍ້ຕົກລົງ ຂອງທ່ານເຈົ້າແຂວງສາລະວັນ ສະບັບເລກທີ764/ຈຂ.ສວ, ລົງວັນທີ 4 ທັນວາ 2019 ວ່າດ້ວຍການຍົກຍ້າຍ ທ່ານ ຂັນໄຊ ຣັດຖະເຮົ້າ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນ ໄປປະຈໍາການ ແລະ ຮັບໜ້າທີ່ຢູ່ບ່ອນໃໝ່ ແລະ ຂໍ້ຕົກລົງ ຂອງທ່ານເຈົ້າແຂວງສາລະວັນ ສະບັບເລກທີ 766/ຈຂ.ສວ, ລົງວັນທີ 4 ທັນວາ 2019 ວ່າດ້ວຍການຕົກລົງແຕ່ງຕັ້ງ ທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກ ໄປສະນີ, ໂທລະຄົມມະນາ ຄົມ ແລະ ການສື່ສານແຂວງສາລະວັນ ຜູ່ໃໝ່, ເວລາດຽວກັນນັ້ນທ່ານ ຂັນໄຊ ຣັດຖະເຮົ້າ ກໍໄດ້ຂຶ້ນກ່າວມອບໜ້າທີ່ວຽກງານໃນແຕ່ລະດ້ານ ໃນໄລຍະຜ່ານມາທີ່ໄດ້ຊີ້ນໍາໆພາມີທັງດ້ານດີ, ດ້ານອ່ອນ, ຂໍ້ຄົງຄ້າງ ແລະ ແຜນສືບຕໍ່ປະຕິບັດໃນຕໍ່ໜ້າ ພ້ອມດຽວກັນ ທ່ານ ສົມຄິດ ແສນທະວີ ກໍໄດ້ຂຶ້ນກ່າວຮັບໜ້າທີ່ຢ່າງເປັນທາງການ.


     ຈາກນັ້ນກໍ່ໄດ້ມີການເຊັນບົດບັນທຶກ ມອບ-ຮັບໜ້າທີ່ຢ່າງເປັນທາງການ ລະຫວ່າງ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນ ຜູ້ເກົ່າ ກັບທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ່ໃໝ່ ໂດຍຊ້ອງໜ້າທ່ານ ວິຊຽນ ນະວິກຸນ , ຄະນະປະຈໍາພັກແຂວງ ຮອງເຈົ້າແຂວງສາລະວັນ, ມີບັນດາການນໍາຈາກພະແນກການອ້ອມຂ້າງ ແລະ ພາກສ່ວນ ບໍລິສັດ ຂົງເຂດ ພະແນກ ໄປສະນີ,ໂທລະຄົມມະນາຄົມ ແລະ ການສື່ສານ ເຂົ້າຮ່ວມເປັນສັກຂີພິຍານ.

ກອງປະຊຸມ ເຜີຍແຜ່ເຊື່ອມຊຶມ ຄຳແນະນຳ ກຽ່ວກັບການສະຫຼຸບຕີລາຄາ ການຈັດຕັ້ງປະຕິບັດ ກົດລະບຽບພັກ ສະໄໝທີ X ທົ່ວຄະນະພັກຮາກຖານ ພະແນກ ປທສ ແຂວງສາລະວັນ

ໃນຕອນເຊົ້້າ ວັນທີ 05/11/2019, ເວລາ 8:30 ໂມງ ທີ່ຫ້ອງປະຊຸມ ລາວໂທລະຄົມມະນາຄົມ ໄດ້ຈັດກອງປະຊຸມ ເຜີຍແຜ່ເຊື່ອມຊຶມ ຄຳແນະນຳ ກຽ່ວກັບການສະຫຼຸບຕີລາຄາ ການຈັດຕັ້ງປະຕິບັດ ກົດລະບຽບພັກ ສະໄໝທີ X ທົ່ວຄະນະພັກຮາກຖານ ພະແນກ ປທສ ແຂວງສາລະວັນ ເປັນປະທານ ໂດຍທ່ານ ຂັນໄຊ ຣັດຖະເຮົ້າ ກຳມະການພັກແຂວງ, ເລຂາຄະນະພັກ,ຫົວໜ້າພະແນກ ປທສ ແຂວງສາລະວັນ ມີບັນດາສະຫາຍໃນຄະນະພັກຮາກຖານ ສະຫາຍໃນຄະນະໜ່ວຍພັກ ທີ່ຂື້ນກັບຄະນະພັກຮາກຖານ ພະແນກ ປທສ ແຂວງ ແລະ ສະມາຊິກພັກສຳຮອງ ແລະ ສົມບູນ ກໍ່ໃຫ້ກຽດເຂົ້າຮ່ວມກອງປະຊຸມຄັ້ງນີ້ ທັງໝົດ 26 ສະຫາຍ,ຍິງ 3 ສະຫາຍ.

      ເຊິ່ງຈຸດປະສົງກອງປະຊຸມໃນຄັ້ງນີ້ ແມ່ນເພື່ອ ເຊື່ອມຊືມ ຄໍາແນະນໍາ ສະບັບເລກທີ 13/ອກ.ບຄ ລົງວັນທີ 29 ຕຸລາ 2019 ວ່າດ້ວຍ: ກຽ່ວກັບການສະຫຼຸບຕີລາຄາ ການຈັດຕັ້ງປະຕິບັດ ກົດລະບຽບພັກ ສະໄໝທີ X ໃນທົ່ວອົງຄະນະພັກຕົນ, ໃຫ້ກຽດ ເຜີຍແຜ່ ເອກະສານ ໂດຍ ທ່ານ ຂັນຊັນ ຣັດຖະເຮົ້າ ກຳມະການພັກແຂວງ, ເລຂາຄະນະພັກ,ຫົວໜ້າພະແນກ ປທສ ແຂວງສາລະວັນ,  ຫຼັງຈາກນັ້ນ ແຕ່ລະສະຫາຍ ກໍ່ໄດ້ປະກອບຄຳຄິດເຫັນ ທາງດ້ານເນື້ອໃນ ໃສ່ກົດລະບຽບພັກ ສະໃໝທີ X ເພື່ອໃຫ້ມີເນື້ອໃນຖືກຕ້ອງ,ຄົບຖ້ວນ,ຮັດກຸມ ແລະ ສອ່ງແສງເຖິງ ສະພາວະຄວາມເປັນຈິງ ດ້ານການຈັດຕັ້ງ ແລະ ການເຄື່ອນໄຫວ ຂອງລະບົບການຈັດຕັ້ງພັກ ແລະ ສະມາຊິກພັກ ໃນເງື່ອນໄຂໃໝ່ ເພື່ອລາຍງານ ໃຫ້ຄະນະຮັບຜິດຊອບສະຫຼຸບ-ສັງລວມການຈັດຕັ້ງປະຕິບັດ ກົດລະບຽບພັກ ແລະ ເພື່ອປະກອບໃສ່ ກົດລະບຽບພັກສະໃໝທີ XΙ.

       ກອງປະຊຸມໄດ້ດຳເນີນເປັນເວລາໜື່ງຄາບ ແລະ ປິດລົງຢ່າງມີຜົນສຳເລັດ ຕາມລະດັບຄາດໝາຍ ທີ່ວາງໄວ້.

ການປຶກສາຫາລື ກ່ຽວກັບ ການສຳຫຼວດ ຕິດຕັ້ງເສົາສັນຍານ 4G ຂອງບໍລິສັດ ອີທີແອວ ຈໍາກັດ

ໃນວັນທີ 19 ພະຈິກ 2019 ເວລາ 14:00 ໂມງ ,ທີ່ ຫ້ອງການປົກຄອງ ບ້ານຂົວເສັດ ເມືອງເລົ່າງາມ ແຂວງສາລະວັນ,ໄດ້ມີການປຶກສາຫາລື ລະຫວ່າງ ທີມງານທີ່ຖືກຕົກລົງແຕ່ງຕັ້ງ ທີ່ມາຈາກພາກສ່ວນຄື: ພະແນກ ປທສ ,ພະແນກ ຖະແຫຼງຂ່າວ ວັດທະນະທໍາ ທ່ອງທຽ່ວ,ພະແນກຊັບພະຍາກອນທຳມະຊາດ,ຫ້ອງວ່າການ ແຂວງ,ຫ້ອງວ່າການເມືອງເລົ່າງາມ ກັບຄະນະນໍາຂອງບ້ານ ຂົວເສັດ ພ້ອມດ້ວຍ ອົງການຈັດຕັ້ງບ້ານທຸກພາກສ່ວນ ເຂົ້າຮ່ວມທັງໝົດ ຈຳນວນ 11 ຄົນ,ຍິງ 1 ຄົນ, ພາຍໄຕ້ການເປັນປະທານ ຂອງທ່ານ ສົມຄິດ ແສນທະວີ ຮອງ ຫົວໜ້າພະແນກ ປທສ ແຂວງສາລະວັນ.     

ທີມງານທີ່ຖືກແຕ່ງຕັ້ງຈາກແຂວງ ກໍ່ໄດ້ສະເໜີ ແລະ ແຈ້ງຈຸດປະສົງຕ່າງໆ ທີ່ລົງມາສົມທົບ ພົວພັນ ເພື່ອເກັບກຳຂໍ້ມູນ ຈຸດທີ່ຕັ້ງ ເສົາສັນຍານໂທລະສັບ ໃຫ້ບໍລິສັດ ອີທີແອວ (ETL) ແລະ ທັງຍົກໃຫ້ເຫັນ ນະໂຍບາຍຕ່າງໆ ທາງພາກລັດ ທີ່ມີຕໍ່ບໍລິສັດ ແລະ ຕໍ່ພໍ່ແມ່ປະຊາຊົນ ເພື່ອເຮັດໃຫ້ບໍລິສັດໄດ້ມີເງື່ອນໄຂ ຂະຫຍາຍສັນຍານໃຫ້ກວ້າງຂວາງ ແລະ ທັນສະໃໝ ວ່ອງໄວ ໃນການນຳໃຊ້ ໃຫ້ທຽບເທົ່າກັບພາກພື້ນ ແລະ ສາກົນ ເພື່ອຕອບສະໜອງໃຫ້ແກ່ ເຂດຈຸດສຸມ,ນັກທ່ອງທຽ່ວ ແລະ ປະຊາຊົນ ໃນເຂດ ດັ່ງກ່າວໄດ້ນໍາໃຊ້ ຢ່າງສະດວກສະບາຍ.

ຫຼັງຈາກນັ້ນ, ທີມງານຈາກແຂວງ ຮ່ວມກັບອຳນາດ ການປົກຄອງບ້ານ ແລະ ຜູ້ຕາງໜ້າຈາກເມືອງ ໄດ້ພ້ອມກັນລົງສຳຫຼວດກວດກາ ເບິ່ງເນື້ອທີ່ ທີ່ຈະຕິດຕັ້ງ ເສົາສັນຍານ ໂທລະສັບມືຖື 4G ຂອງບໍລິສັດ ອີທີແອວ (ETL) ແລະ ຕົກລົງເປັນເອກະພາບ ກຳນົດ ເນື້ອທີ່ ຂອບເຂດ ຈຸດພິກັດ ທີ່ຈະໄດ້ດຳເນີນ ການຕິດຕັ້ງ ເພື່ອເປັນບ່ອນອີງ ໃນການດຳເນີນໃຫ້ຖືກຕ້ອງໃນຂັ້ນຕໍ່ໄປ.

ກອງປະຊຸມ ດ້ານວິຊາການ ທາງດ້ານ ໂທລະຄົມມະນາຄົມ

ໃນຕອນບ່າຍ ເວລາ 14:00 ໂມງ ຂອງວັນທີ 25/11/2019, ສະຖານທີ່ ຫ້ອງປະຊຸມ ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ, ໄດ້ຈັດກອງປະຊຸມ ທາງດ້ານວິຊາການ ພາຍໃຕ້ການເປັນປະທານ ຂອງທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ປທສ ແຂວງສາລະວັນ ,ມີຮອງຫົວໜ້າພະແນກ ,ຫົວໜ້າຂະແໜງ ພ້ອມດ້ວຍ ວິຊາການ, ຫົວໜ້າ ຫ້ອງການ ປທສ ເມືອງສາລະວັນ ແລະ ຫົວໜ້າ ບໍລິສັດທີ່ໃຫ້ບໍລິການ ໂທລະຄົມມະນາຄົມ ເຂົ້າຮ່ວມ ທັງໝົດ 11 ທ່ານ, ຍິງ 1 ທ່ານ.

ເຊິ່ງກອງປະຊຸມຄັ້ງນີ້ ໃຫ້ກຽດ ນຳສະເໜີ ຈຸດປະສົງ ຂອງກອງປະຊຸມ ໂດຍ ທ່ານ ສົມຄິດ ແສນທະວີ ຮອງ ຫົວໜ້າ ພະແນກ ປທສ ແຂວງສາລະວັນ ເຊິ່ງມີເນື້ອໃນ ເອກະສານຄື:

1. ຂໍ້ຕົກລົງ 209/ປທສ ວ່າດ້ວຍ ການຕິດຕັ້ງ ສະຖານີຮັບ-ສົ່ງສັນຍານໂທລະສັບເຄື່ອນທີ່,

2.ນໍາສະເໜີ ຂໍ້ຕົກລົງ 2403/ປທສ ວ່າດ້ວຍ ການຂື້ນທະບຽນເລກໝາຍໂທລະສັບ ແລະ ຂັ້ນຕອນການນຳໃຊ້ໂປຣແກຣມ 3 ແກັບ ໃນການລົງທະບຽນເລກໝາຍໂທລະສັບ, ໃຫ້ກຽດ ຜ່ານເອກະສານ ໂດຍ ທ່ານ ດຳສະອາດ ນະແກ້ງສິມ ຫົວໜ້າ ຂະແໜງໂທລະຄົມມະນາຄົມ

3. ສະເໜີ ຜ່ານຂໍ້ຕົກລົງກຽ່ວກັບວຽກງານສະຖິຕິ ທາງດ້ານໂທລະຄົມມະນາຄົມ ສະບັບເລກທີ 714/ປທສ ໃຫ້ແກ່ ບັນດາບໍລິສັດ ທີ່ໃຫ້ບໍລິການ ໂທລະຄົມມະນາຄົມ ແລະ ການເກັບກຳຂໍ້ມູນ ບັນດາຫ້າງຮ້ານ ທີ່ບໍລິການສ້ອມແປງ ແລະ ຈຳໜ່າຍ ອຸປະກອນທາງດ້ານ ໂທລະຄົມມະນາຄົມ ພ້ອມທັງການລາຍງານ ຂອງຫ້ອງການ ປທສ ປະຈຳເມືອງສາລະວັນ. ໃຫ້ກຽດ ຜ່ານເອກະສານ ໂດຍ ທ່ານ ສຸກສະຫວັນ ໂພທິລາດ ຫົວໜ້າ ຂະແໜງ ແຜນການ-ການເງິນ

ຜ່ານການສະເໜີ ແລະ ປະກອບຄໍຳຄິດຄໍາເຫັນໃນກອງປະຊຸມ ທ່ານປະທານ ກໍ່ໄດ້ຊີ້ນໍາຕື່ມໃນຂອດປະສານງານ ລະຫວ່າງ ບໍລິສັດກັບພະແນກ ຍັງຕ້ອງໄດ້ຖອດຖອນບົດຮຽນຮ່ວມກັນໃນການສະໜອງຂໍ້ມູນສະຖິຕິ ແລະ ສະ ເໜີໃຫ້ທາງບໍລິສັດ ປະຕິບັດລະບຽບ ແລະ ນິຕິກຳ ທີ່ທາງກະຊວງໄດ້ວ່າງອອກຢ່າງເຂັມງວດ. ພ້ອມດຽວກັນນັ້ນກໍ່ໄດ້ຊີ້ນຳໃຫ້ ຫົວໜ້າຫ້ອງການ ປທສ ເມືອງສາລະວັນ ຕ້ອງໄດ້ລົງເກັບກຳຂໍ້ມູນຕົວຈິງຂອງຫ້າງຮ້ານ ທີ່ໃຫ້ບໍລິການທາງດ້ານ ໂທລະຄົມມະນາຄົມ ເພື່ອເປັນຂໍ້ມູນໃນການຈັດຕັ້ງປະຕິບັດ ໃນສົກປີຕໍ່ໄປ.

ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ 3

ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ, ຮ່ວມກັບ ຄະນະໂຄສະນາອົບຮົມແຂວງ, ພະແນກ ຖະແຫຼ່ງຂ່າວ ວັດທະນາທຳ ແລະ ທ່ອງທ່ຽວ , ພະແນກ ກວດກາ ແລະ ຄວບຄຸມຢາເສບຕິດ ປກສ ແຂວງ, ພະແນກ ຈະລາຈອນ ແຂວງສາລະວັນ,ເຄື່ອນໄຫວ ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ 3 ສຳເລັດ 2 ເມືອງ 3 ຈຸດ ຄື:

– ວັນທີ 5/11/219 ເຄື່ອນໄຫວຢູ່ ເມືອງເລົ່າງາມ ມີຜູ້ເຂົ້າຮ່ວມທັງໝົດ 532 ຄົນ/ ຍິງ281 ຄົນ ສະມາຊິກພັກ 177ສະຫາຍ,ຍິງ 93 ສະຫາຍ.

– ວັນທີ 14/11/2019 ຕອນເຊົ້າຢູ່ທີ່ ມ.ສ ຫ້ວຍໂຄນ ເມືອງວາປີ , ຕອນບ່າຍ ຢູ່ທີ່ ສະໂມສອນ ເມືອງວາປີ ,ຈຳນວນພົນ ເຂົ້າຮ່ວມທັງໝົດຕອນເຊົ້າ ແລະ ຕອນບ່າຍ ມີຈຳນວນພົນເຂົ້າຮ່ວມທັງໝົດ 1.182 ຄົນ, 628 ຄົນ. ສະມາຊິກພັກ 139 ສະຫາຍ, ຍິງ 65 ສະຫາຍ. ໃນນັ້ນຄູອາຈານ ແລະ ນັກຮຽນ 982 ຄົນ, ຍິງ 556 ຄົນ.

ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ2

ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ, ຮ່ວມກັບ ຄະນະໂຄສະນາອົບຮົມແຂວງ, ພະແນກ ຖະແຫຼ່ງຂ່າວ ວັດທະນາທຳ ແລະ ທ່ອງທ່ຽວ , ພະແນກ ກວດກາ ແລະ ຄວບຄຸມຢາເສບຕິດ ປກສ ແຂວງ, ພະແນກ ຈະລາຈອນ ແຂວງສາລະວັນ,ເຄື່ອນໄຫວ ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ2 ແຕ່ວັນທີ 28-30 ຕຸລາ 2019, 3 ເມືອງຄື: ເມືອງຕຸ້ມລານ, ເມືອງຕະໂອ້ຍ ແລະ ເມືອງສະໝ້ວຍ,ເປັນປະທານກອງປະຊຸມ ໂດຍທ່ານ ສີເຮັງ ຫອມສົມບັດ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ທ່ານຂັນໄຊ ຣັດຖະເຮົ້າ ຫົວໜ້າພະແນກ ໄປສະນີ ໂທລະຄົມມະນາຄົມ ແລະ ມີບັນດາທ່ານຕາງໜ້າພະແນກການທີ່ກ່ຽວຂ້ອງ, ຄະນະອໍານວຍການໂຮງຮຽນ ພ້ອມດ້ວຍອົງການຈັດຕັ້ງມະຫາຊົນ, ຄູອາຈານ ແລະ ນັກຮຽນເຂົ້າຮ່ວມ ,

ການຈັດຕັ້ງໂຄສະນາເຜີຍແຜ່ການນໍາໃຊ້ສື່ສັງຄົມອອນລາຍໃຫ້ຖືກຕ້ອງໃນ 3 ເມືອງ ເຊິ່ງມີຈໍານວນພົນເຂົ້າຮ່ວມທັງໝົດ 887 ຄົນ, ຍິງ 355ຄົນ, ສະມາພັກ 173ສະຫາຍ, 47 ສະຫາຍ ,ໃນນັ້ນຄະນະນໍາ, ພະນັກງານຫຼັກແຫຼ່ງແກ່ນສານຂອງເມືອງ, ສະມາຊິກພັກ-ພະນັກງານລັດຖະກອນ ຂອງເມືອງ 159ສະຫາຍ, ຍິງ 16 ສະຫາຍ, ເລຂາພັກ-ນາຍບບ້ານເທດສະບານເມືອງ 9ສະຫາຍ, ຍິງ 1 ສະຫາຍ ແລະ ນ້ອງໆ ນັກຮຽນທັງໝົດ 604 ຄົນ, ຍິ່ງ 268 ຄົນ.

ກອງປະຊຸມ ເປີດຊຸດຝຶກອົບຮົມ ການນຳນົດຕຳແໜ່ງງານ ແລະ ການປະເມີນຜົນ ຊຸດທີ ΙΙ

ກອງປະຊຸມ ເປີດຊຸດຝຶກອົບຮົມ ການນຳນົດຕຳແໜ່ງງານ ແລະ ການປະເມີນຜົນ ຊຸດທີ ΙΙ ວັນທີ 15-16 ຕຸລາ 2019 ຈັດຂື້້ນໂດຍ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ, ທີ່ ສະຖາບັນ ເຕັກໂນໂລຊີ ການສື່ສານ ຂໍ້ມູນຂ່າວສານ ໃຫ້ກຽດເປັນປະທານ ໂດຍທ່ານ ຈັນທະວີພອນ ເຄືອບຄຳວອນ ຮອງຫົວໜ້າກົມຈັດຕັ້ງ ພະນັກງານ ມີຜູ້ເຂົ້າຮ່ວມມາຈາກ 9 ແຂວງ ພາກໄຕ້ ແລະ ພາກກາງ(ແຂວງ ອັດຕະປື, ເຊກອງ, ສາລະວັນ, ຈຳປາສັກ, ສະຫວັນນະເຂດ, ຄຳມ່ວນ, ໄຊສົມບູນ, ຫຼວງພະບາງ ແລະ ຊຽງຂວາງ).ເຂົ້າຮ່ວມທັງໝົດ 40 ທ່ານ, ຍິງ 14 ທ່ານ.

          ເຊິ່ງການຝຶກອົບຮົມໃນຄັ້ງນີ້ ແມ່ນໄດ້ເຝິກອົບຮົມຢູ່ 2 ເອກະສານຫຼັກໆ ຄື:  ການນຳນົດຕຳແໜ່ງງານ ແລະ ວຽກງານ ນະໂຍບາຍ ແລະ ບຳນານ ໄດ້ເຜີຍແຜ່ ໃຫ້ພະນັກງານ ທຸກພາກສ່ວນທີ່ເຂົ້າຮ່ວມ ໄດ້ເຂົ້າໃຈ ໂດຍນັກວິທະຍາກອນ ຈາກກະຊວງ ປທສ ອະທິບາຍຊີ້ແຈງ ແຕ່ລະຂັ້ນຕອນ ຂອງການ ກຳນົດຕຳແໜ່ງງານຢ່າງລະອຽດ ເພື່ອຄວາມເປັນເອກະພາບ ທາງດ້ານຫຼັກການ ແລະ ຮັບປະກັນໃຫ້ແກ່ການ ກຳນົດຕຳແໜ່ງງານ ຖືກຕ້ອງໃນພາກປະຕິບັດຕົວຈິງ ພ້ອມທັງເຂົ້າໃຈ ຕໍ່ກັບ ລະບຽບ ນະໂຍບາຍ ທີ່ມີຕໍ່ພະນັກງານ ທີ່ຈະເຂົ້າບຳນານ ຢ່າງຈະແຈ້ງ .