Uncategorized

ກອງປະຊຸມສຳມະນາ ທາງດ້ານວຽກງານເຕັກໂນໂລຊີ, ຂໍ້ມູນຂ່າວສານ ແລະ ດີຈີຕອນ ລະຫວ່າງ ພະແນກ ປທສ ແຂວງສາລະວັນ ແລະ ບໍລິສັດ ສະຕາໂທລະຄົມ (Unitel)

ໃນຕອນເຊົ້າວັນທີ 12 ມີນາ ປີ 2021 ເວລາ 8:30 ທີ່ສະໂມສອນໃຫຍ່ ຊັ້ນສອງຂອງ ແຂວງສາລະວັນ ໄດ້ຈັດກອງປະຊຸມສໍາມະນາ ທາງດ້ານວຽກງານເຕັກໂນໂລຊີ, ຂໍ້ມູນຂ່າວສານ ແລະ ດີຈີຕອນ ລະຫວ່າງ ພະແນກ ປທສ ແຂວງສາລະວັນ ແລະ ບໍລິສັດ ສະຕາໂທລະຄົມ (Unitel), ໂດຍພາຍໃຕ້ການເປັນປະທານຂອງທ່ານ ພູທົງ ຄໍາມະນີວົງ ຮອງເຈົ້າແຂວງສາລະວັນ ຜູ້ຊີ້ນໍາວຽກງານເສດຖະກິດ, ທ່ານ ບຸນມີ ມະລາວົົງ ຮອງອຳນວຍການໃຫຍ່ ບໍລິສັດ ສະຕາໂທລະຄົມ ແລະ ທ່ານ ສົມຄິດ ແສນທະວີ ຮັກສາການຫົວໜ້າພະແນກ ປທສ, ມີບັນດາທ່ານການນຳພະແນກການອອມຂ້າງແຂວງ ພ້ອມດ້ວຍວິຊາການເຂົ້າຮ່ວມ.

ເຊິ່ງໃນນັ້ນ, ໃຫ້ກຽດກ່າວເປີດພິທີ ແລະ ລາຍງານສະພາບລວມໂດຍ ທ່ານ ສົມຄິດ ແສນທະວີ ຮັກສາການຫົວໜ້າພະແນກ ປທສ. ເຊີ່ງໃນກອງປະຊຸມສຳມະນາມີ 5 ຫົວຂໍ້ບັນລະຍາຍເຊັນ: .LA, .ລາວ, G-Chat, U-Office, U-Money, Video Conference ໃຫ້ກຽດບັນລະຍາຍເອກສານໂດ້ຍວິຊາການຈາກພະແນກ ປທສ ແລະ ບໍລິສັດ, ຜ່ານການບັນລະຍາຍກໍມີການ ຖາມ-ຕອບ ຂອງບັນດາແຂກທີ່ເຂົ້າຮ່ວມກອງປະຊຸມ.

ໃນຕອນທ້າຍຂອງກອງປະຊຸມ ທ່ານ ພູທົງ ຄຳມະນີວົງ ຮອງເຈົ້າແຂວງສາລະວັນ ຜູ້ຊິນຳວຽກງານເສດຖະກິດ ໄດ້ຍ້ອງຍໍຊົມເຊີຍຕໍ່ກອງປະຊຸມສຳມະນາ ແລະ ໄດ້ໃຫ້ທິດຊີ້ນຳໃນການພັດທະນາວຽກງານດ້ານເຕັກໂນໂລຊີ  ໃຫ້ສຶບຕໍ່ພັດທະນາວຽກງານດັ່ງກ່າວ ແລະ ປະຕິບັດວຽກງານທີ່ໄດ້ຮັບມອບໝາຍໃຫ້ປະກົດຜົນເປັນຈີງ ແລະ ບັນລຸເປົ້າໝາຍທີ່ວາງໄວ້.  

ອອກແຮງງານລວມຄົບຮອບ 65 ປີ ຂອງກຳມະບານ

ອີງຕາມການແຈ້ງການຂອງຫ້ອງວ່າການປົກຄອງແຂວງສາລະວັນ ກ່ຽວກັບການອອກແຮງງານລວມ ຂອງບັນດາພະແນກການຕ່າງໆອ້ອມຂ້າງແຂວງສາລະວັນ ໃນຕອນເຊົ້າວັນທີ 22 ມັງກອນ 2021 ກຳມະບານ ພະແນກ ປທສ ແຂວງສາລະວັນ ຈັດຕັ້ງປະຕິບັດຕາມແຈ້ງການຂອງຫ້ອງວ່າການ ໄດ້ອອກແຮງງານລວມ ໂດຍການຊີ້ນຳ ນຳພາຂອງທ່ານ ຄຳໝອນ ແກ້ວປັດຈິດ ຮອງຫົວໜ້າພະແນກ ປທສ ແລະ ທ່ານ ກັດສະປະ ວຸດທິຈັນທະເດດ ຮອງຫົວໜ້າພະແນກ ປທສ,  ເລີ່ມຕັ້ງແຕ່ ຂວາເຊໂດນ ຫາ ສາມແຍກໄຟຟ້າ ແຂວງສາລະວັນ ເພື່ອຂຳນັບຮັບຕ້ອນວັນກຳມະບານຄົບຮອບ 65 ປີ.

ບັນດາສະມາຊິກກຳມະບານຂອງພະແນກ ປທສ ກໍໄດ້ເອົາໃຈໃສໃນການອະນາໄມ, ປັດກວດໃບໄມ້ ແລະ ສີ່ງເສດເຫຼືອຕ່າງໆຢູ່ຕາມແຄມທາງ ໃຫ້ສະອາດງາມຕາ ເພື່ອຄວາມຈົບງາມຂອງເສັ້ນທາງ ແລະ ບ້ານເມືອງ ຈົນສຳເລັດຕາມລະດັບຄາດໝາຍໄວ້.

ເຊີດຊູສະຕິເປັນເຈົ້າປະເທດຊາດ, ນຳໃຊ້ສິດ ແລະ ປະຕິບັດພັນທະຂອງພົນລະເມືອງລາວ ຢ່າງຄົບຖ້ວນ

ໃນຕອນເຊົ້າວັນທີ 14 ມັງກອນ ປີ 2021 ເວລາ 9:30 ທີ່ໜ້າສະໂມສອນໃຫຍ່ຂອງ ແຂວງສາລະວັນ, ຊາວໜຸ່ມ  ຂອງພະແນກ ປທສ ແຂວງສາລະວັນ ໄດ້ຮ່ວມແຮງຮ່ວມໃຈກັນຕິດປ້າຍຄຳນັບຮັບຕ້ອນກ້ອງປະຊຸມໃຫຍ່ຂອງສະພາແຂວງ ເພື່ອຄັດເລືອກເອົາຜູ້ແທນເຂົ້າໄປສະພາແຂວງສາລະວັນ.

ເພື່ອປະຕິບັດຕາມຄຳສັ່ງຂອງຄະນະພັກຄະນະນຳຂອງພະແນກເວົ້າສະເພາະ, ເວົ້າລວມກໍຄືຂອງແຂວງ ໃນການເຊີນຊວນພໍ່ແມ່ປະຊາຊົນບັນດາເຜົ່າ, ພະນັກງານ, ທະຫານ ແລະ ຕຳຫຼວດ ພາຍໃນແຂວງສາລະວັນ ມາໃຊ້ສິດຄວາມເປັນເຈົ້າຂອງປະເທດຊາດບ້ານເມືອງໃນການ ອອກສຽງເພື່ອຄັດເລືອກເອົາຜູ້ທີ່ມີຄວາມຮູ້ຄວາມສາມາດ ມີຄວາມຮັບຜິດຊອບສູງຕໍ່ໜ້າທີ່ການເມືອງ ແລະ ສາມາດນຳພາປະຊາຊົນບັນດາເຜົ່າ ໃນການພັດທະນາສ້າງສາບ້ານເມືອງໃຫ້ມີຄວາມຈະເລີນຮຸ່ງເຮືອງສີວິໄລ ເຂົ້າມາບໍລິຫານໃນສະພາແຂວງສາລະວັນ.

ກອງປະຊຸມສະຫຼຸບຜົນງານໃນປີ 2020 ແລະ ວາງທິດທາງແຜນການພັດທະນາສົກປີ 2021 ຂອງພະແນກ ປທສ ແຂວງສາລະວັນ

ໃນຕອນເຊົ້າວັນທີ 12 ມັງກອນ ປີ 2021 ເວລາ 8:30 ທີ່ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງສາລະວັນ ໄດ້ຈັດກອງປະຊຸມສະຫຼຸບວຽກງານຂອງພະແນກໃນປີ 2020 ແລະ ວາງທິດທາງແຜນການພັດທະນາສົກປີ 2021, ໂດຍພາຍໃຕ້ການເປັນປະທານຂອງທ່ານ ສົມຄິດ ແສນທະວີ ຮັກສາການຫົວໜ້າພະແນກ ປທສ ມີຮອງຫົວໜ້າພະແນກ, ຫົວໜ້າຂະແໜງ ແລະ ຮອງຫົວໜ້າຂະແໜງ ພ້ອມດວຍພະນັກງານວິຊານທຸກຄົນເຂົ້າຮ່ວມທັງໝົດ 16 ທ່ານ, ຍີງ 7 ທ່ານ.

ເຊິ່ງໃນນັ້ນ ທ່ານ ສົມຄິດ ແສນທະວີ ຮັກສາການຫົວໜ້າພະແນກ ໄປສະນີ, ໂທລະຄົມມານາຄົມ ແລະ ການສື່ສານ ໄດ້ຍ້ອງຍໍຊົມເຊີຍຕໍ່ພະນັກງານທຸກຂັ້ນ ໃນການປະຕິບັດວຽກງານໃນໄລຍະຜ່ານມາ ປະຕິບັດໄດ້ຕາມແຜນທີ່ວາງໄວ້ ແລະ ໄດ້ໃຫ້ທິດຊີນຳໃນສົກປີ 2021 ໃຫ້ສຶບຕໍ່ພັດທະນາຕົນເອງ ແລະ ປະຕິບັດວຽກງານທີ່ໄດ້ຮັບມອບໝາຍໃຫ້ປະກົດຜົນເປັນຈີງ ແລະ ບັນລຸເປົ້າໝາຍທີ່ວາງໄວ້.   

ເນື່ອງໃນໂອກາດ ສົ່ງທ້າຍປີເກົ່າ ຕ້ອນຮັບປີໃໝ່ ສາກົນ 2021 ນີ້, ທົ່ວຂົງເຂດ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງສາລະວັນ, ເຂົ້າອ່ວຍພອນປີໃໝ່ແດ່ ທ່ານການນໍາຂອງແຂວງສາລະວັນ

ເນື່ອງໃນໂອກາດ ສົ່ງທ້າຍປີເກົ່າ ຕ້ອນຮັບປີໃໝ່ ສາກົນ 2021 ນີ້, ທົ່ວຂົງເຂດ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງສາລະວັນ, ໄດ້ເຂົ້າອ່ວຍພອນປີໃໝ່ແດ່ ທ່ານການນຳຂອງແຂວງສາລະວັນ, ນຳພາ ໂດຍ ທ່ານ ສົມຄິດ ແສນທະວີ ຮັກສາການ ຫົວໜ້າພະແນກ ທປສ, ທ່ານ ຄຳໝອນ ແກ້ວປັດຈິດ ຮອງຫົວໜ້າພະແນກ ປທສ, ທ່ານ ກັດສະປະ ວຸດທິຈັນທະເດດ ແລະ ບັນດາທ່ານອຳນວຍການບໍລິສັດທີ່ໃຫ້ບໍລິການທາງດ້ານໄປສະນີ, ໂທລະຄົມມານາຄົມ ແລະ ການສື່ສານ ສາຂາແຂວງສາລະວັນ ພ້ອມດ້ວຍ ພະນັກງານຫຼັກແຫຼ່ງ.

ເຊິ່ງໃນນັ້ນ ທ່ານ ສົມຄິດ ແສນທະວີ ຮັກສາການຫົວໜ້າພະແນກ ໄປສະນີ, ໂທລະຄົມມານາຄົມ ແລະ ການສື່ສານ ໃຫ້ກຽດຕາງໜ້າ ກ່າວຄຳ ອ່ວຍພອນໄຊແດ່ທ່ານການນຳ ພ້ອມກັນນັ້ນ, ທ່ານການນຳ ຂອງແຂວງ ກໍ່ໄດ້ໃຫ້ຄຳໂອ້ລົມ ສະແດງຄວາມຂອບໃຈ  ແລະ ກ່າວຄຳຍ້ອງຍໍ ຊົມເຊີຍຕໍ່ຄະນະນຳຂັ້ນພະແນກ ພ້ອມດ້ວຍ ພະນັກງານ ທຸກທ່ານ ທົ່ວຂົງເຂດ ໄປສະນີ, ໂທລະຄົມມະນາຄົມ ແລະ ການສື່ສານ ທີ່ມີຜົນງານໃນການປະຕິບັດໜ້າທີ່ວຽກງານໃນປີຜ່ານມາ ແລະໃຫ້ທິດຊີ້ນຳ ໃນປີຕໍ່ໄປໃຫ້ສຶບຕໍ່ພັດທະນາຂົງເຂດ ປທສ ໃຫ້ມີໃບໜ້າໃໝ່ໃນການຫັນເປັນທັນສະໄໝໃຫ້ດີຂື້ນເລື້ອຍໆ.

ການເຜີຍແຜ່ ຂໍ້ຕົກລົງ ວ່າດ້ວຍການຄຸ້ມຄອງ ແລະ ນໍາໃຊ້ລະບົບກອງປະຊຸມທາງໄກຂອງລັດຖະບານ ຜ່ານລະບົບກອງປະຊຸມທາງໄກ (cv )

ໃນວັນທີ 22 ມັງກອນ 2020 ເວລາ 8:30 ໂມງ ຜ່ານມານີ້,ທີ່ຫ້ອງປະຊຸມ ພະແນກໂທລະຄົມມະນາຄົມ ແລະ ການສື່ສານ ແຂວງ ສາລະວັນ ໄດ້ມີ  ການເຜີຍແຜ່ ຂໍ້ຕົກລົງ ວ່າດ້ວຍການຄຸ້ມຄອງ ແລະ ນໍາໃຊ້ລະບົບກອງປະຊຸມທາງໄກຂອງລັດຖະບານ ຜ່ານລະບົບກອງປະຊຸມທາງໄກ ( cv ),

ເຊິ່ງຈັດຂື້ນໂດຍສູນບໍລິຫານລັດ ດ້ວຍເອເລັກໂຕຣນິກ ມີບັນດາພະແນກ ປທສ 6 ແຂວງ ເຂົ້າຮ່ວມຮັບຟັງ ຈຸດປະສົງຂອງກອງປະຊຸມຄັ້ງນີ້ແມ່ນເພື່ອ ເຜີຍແຜ່ ແລະ ແລກປຽ່ນຄຳຄິດເຫັນໃສ່ຂໍ້ຕົກລົງ ວ່າດ້ວຍການຄຸ້ມຄອງ ແລະນຳໃຊ້ລະບົບກອງປະຊຸມທາງໄກຂອງລັດຖະບານ (video conference)  ສະບັບເລກທີ 2133/ປທສ ນະຄອນຫຼວງວຽງຈັນ,ລົງວັນທີ 21 ສິງຫາ 2019 ແລະ ຂໍ້ຕົກລົງ ວ່າດ້ວຍການຄຸ້ມຄອງ ແລະ ນຳໃຊ້ລະບົບຈົດໝາຍ ເອເລັກໂຕຣນິກຂອງລັດຖະບານ ສະບັບເລກທີ 4023/ປທສ ລົງວັນທີ 19ທັນວາ 2019, ນຳສະເໜີໂດຍທ່ານ ສຸກສະຫວັນ ທຳມະວົງ ຮອງຫົວໜ້າ ພະແນກ ຄຸ້ມຄອງ ແລະ ເຊື່ອມໂຍງ, ສູນບໍລິຫານລັດ ດ້ວຍເອເລັກໂຕຣນິກ

          ຜ່ານການນຳສະເໜີ ບັນດາ ຂໍ້ຕົກລົງແລ້ວນັ້ນ, ຜູ້ເຂົ້າຮ່ວມທັງໝົດຈາກແຕ່ລະແຂວງ ກໍ່ມີການ ຖາມ-ຕອບ ແລກປຽ່ນຄຳຄິດເຫັນ ໃນກອງປະຊຸມ ເພື່ອແລກປຽ່ນຄວາມຄິດເຫັນໃນການຈັດຕັ້ງ ປະຕິບັດຂໍ້ຕົກລົງດັ່ງກ່າວ

          ຜ່ານການແລກປຽ່ນຄວາມຄິດເຫັນຈາກພະແນກ ປທສ ແຕ່ລະແຂວງ ສູນບໍລິຫານລັດ ກໍ່ມີຄວາມເຫັນດີນຳເອົາເນື້ອໃນດັ່ງກ່າວໃປຄົ້ນຄົ້ວ ເພື່ອສືບຕໍ່ພັດທະນາ ແລະ ນຳໃຊ້ເຂົ້າໃນວຽກງງານໃຫ້ເກີດປະໂຫຍດສູງສຸດ

          ກອງປະຊຸມດໍາເນີນ ຮອດເວລາ 11:00 ໂມງ ກໍ່ໄດ້ປິດລົງ

ບໍລິສັດທີ່ໃຫ້ບໍລິການທາງດ້ານໂທລະຄົມເຂົ້າອ່ວຍພອນປີໃໝ່ ສາກົນ 2020

ເນື່ອງໃນໂອກາດ ສົ່ງທ້າຍປີເກົ່າ ຕ້ອນຮັບປີໃໝ່ ສາກົນ 2020 ນີ້, ໃນຄະນະທີ່ປະຊາຊົນບັນດາເຜົ່າທົວປະເທດກຳລັງຟົດຟື້ນ ເພື່ອສະເຫຼີມສະຫຼອງ ຕ້ອນຮັບປີໃໝ່ສາກົນທີຈະມາຮອດມາເຖີງໃນໝໍ່ໆນີ້, ທົ່ວຂົງເຂດ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງສາລະວັນ,

ໂດຍສະເພາະແມ່ນບັນດາບໍລິສັດທີ່ໃຫ້ບໍລິການທາງດ້ານໂທລະຄົມກໍ່ໄດ້ເຂົ້າອ່ວຍພອນປີໃໝ່ແດ່ ທ່ານ ສົມຄິດ ແສນທະວີ ຮັກສາການ ຫົວໜ້າພະແນກ ປທສ ແຂວງສາລະວັນ ພ້ອມດ້ວຍຄະນະ, ເຊີ່ງຄະນະນຳກໍ່ໄດ້ກ່າວຄຳຂອບໃຈຕໍໍ່-ບໍລິສັດ ແລະ ໃຫ້ທິດຊີ້ນຳ ວຽກງານ ຂົງເຂດ ບໍລິການ ໄປສະນີ,ໂທລະຄົມມະນາຄົມ ແລະ ການສື່ສານ ໃຫ້ມີຄວາມ ກ້າວໜ້າ ແລະ ພັດທະນາເປັນກ້າວໆໄປ.

ເນື່ອງໃນໂອກາດ ສົ່ງທ້າຍປີເກົ່າ ຕ້ອນຮັບປີໃໝ່ ສາກົນ 2020 ນີ້, ທົ່ວຂົງເຂດ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງສາລະວັນ,ເຂົ້າອ່ວຍພອນປີໃໝ່ແດ່ ທ່ານການນຳ ແລະ ອາດີດການນຳຂອງແຂວງ

ເນື່ອງໃນໂອກາດ ສົ່ງທ້າຍປີເກົ່າ ຕ້ອນຮັບປີໃໝ່ ສາກົນ 2020 ນີ້, ທົ່ວຂົງເຂດ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງສາລະວັນ, ໄດ້ເຂົ້າອ່ວຍພອນປີໃໝ່ແດ່ ທ່ານການນຳ ແລະ ອາດີດການນຳຂອງແຂວງ, ນຳພາ ໂດຍທ່ານ ທ່ານ ຂັນໄຊ ຣັດຖະເຮົ້າ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ, ທ່ານ ສົມຄິດ ແສນທະວີ ຮັກສາການ ຫົວໜ້າພະແນກ ທປສ, ທ່ານ ຄຳໝອນ ແກ້ວປັດຈິດ ຮອງຫົວໜ້າພະແນກ ປທສ ແລະ ທ່ານ ກັດສະປະ ວຸດທິຈັນທະເດດ ພ້ອມດ້ວຍ ພະນັກງານຫຼັກແຫຼ່ງ ທົ່ວຂົງເຂດ ໄປສະນີ, ໂທລະຄົມມະນາຄົມ ແລະ ການສື່ສານ.

ເຊິ່ງໃນນັ້ນ ທ່ານ ຂັນໄຊ ຣັດຖະເຮົ້າ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ໃຫ້ກຽດຕາງໜ້າ ກ່າວຄຳ ອ່ວຍພອນໄຊແດ່ທ່ານການນຳ, ພ້ອມກັນນັ້ນ, ການນຳ ຂອງແຂວງ ກໍ່ໄດ້ໃຫ້ຄຳໂອ້ລົມ ສະແດງຄວາມຂອບໃຈ  ແລະ ກ່າວຄຳຍ້ອງຍໍ ຊົມເຊີຍ ຕໍ່ ຄະນະນຳຂັ້ນພະແນກ ພ້ອມດ້ວຍ ພະນັກງານ ທຸກທ່ານ ທົ່ວຂົງເຂດ ໄປສະນີ, ໂທລະຄົມມະນາຄົມ ແລະ ການສື່ສານ ທີ່ມີຜົນງານໃນການປະຕິບັດໜ້າທີ່ວຽກງານໃນປີຜ່ານມາ ແລະໃຫ້ທິດຊີ້ນຳ ໃນປີຕໍ່ໄປໃຫ້ດີຂື້ນເລື້ອຍໆ.

ພິທີ ມອບ-ຮັບໜ້າທີ່ ຫົວໜ້າພະແນກ ປທສ ຜູ່ເກົ່າ ແລະ ຮັກສາການ ຫົວໜ້າ ພະແນກ ຜູ່ໃໝ່

ໃນວັນທີ 26 ທັນວາ 2019 ຜ່ານມານີ້, ພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນແຂວງສາລະວັນ ໄດ້ຈັດພິທີ ມອບ-ຮັບໜ້າທີ່ ຫົວໜ້າພະແນກ ຜູ່ເກົ່າ ແລະ ຮັກສາການ ຫົວໜ້າ ພະແນກ ຜູ່ໃໝ່ ຂຶ້ນຢ່າງເປັນທາງການ ລະຫວ່າງ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ່ເກົ່າ ແລະ ທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ່ໃໝ່ ຈັດຂຶ້ນຢູ່ທີ່ຫ້ອງປະຊຸມຂອງບໍລິສັດ ລາວໂທລະຄົມ ມະນາຄົມ ມະຫາຊົນ ສາຂາ ແຂວງສາລະວັນ, ເປັນກຽດເຂົ້າຮ່ວມ ເປັນປະທານ ໂດຍທ່ານ ວິຊຽນ ນະວິກຸນ ຄະນະປະຈໍາພັກແຂວງ, ຮອງເຈົ້າແຂວງສາລະວັນ, ມີການນຳແຂວງ, ຫົວໜ້າ-ຮອງພະແນກການ ແລະ ພາກສ່ວນບໍລິສັດຂົງເຂດ ພະແນກ ປທສ ທີ່ກ່ຽວຂ້ອງເຂົ້າຮ່ວມ.


ໂດຍປະຕິບັດຕາມຂໍ້ຕົກລົງ ຂອງທ່ານເຈົ້າແຂວງສາລະວັນ ສະບັບເລກທີ764/ຈຂ.ສວ, ລົງວັນທີ 4 ທັນວາ 2019 ວ່າດ້ວຍການຍົກຍ້າຍ ທ່ານ ຂັນໄຊ ຣັດຖະເຮົ້າ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນ ໄປປະຈໍາການ ແລະ ຮັບໜ້າທີ່ຢູ່ບ່ອນໃໝ່ ແລະ ຂໍ້ຕົກລົງ ຂອງທ່ານເຈົ້າແຂວງສາລະວັນ ສະບັບເລກທີ 766/ຈຂ.ສວ, ລົງວັນທີ 4 ທັນວາ 2019 ວ່າດ້ວຍການຕົກລົງແຕ່ງຕັ້ງ ທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກ ໄປສະນີ, ໂທລະຄົມມະນາ ຄົມ ແລະ ການສື່ສານແຂວງສາລະວັນ ຜູ່ໃໝ່, ເວລາດຽວກັນນັ້ນທ່ານ ຂັນໄຊ ຣັດຖະເຮົ້າ ກໍໄດ້ຂຶ້ນກ່າວມອບໜ້າທີ່ວຽກງານໃນແຕ່ລະດ້ານ ໃນໄລຍະຜ່ານມາທີ່ໄດ້ຊີ້ນໍາໆພາມີທັງດ້ານດີ, ດ້ານອ່ອນ, ຂໍ້ຄົງຄ້າງ ແລະ ແຜນສືບຕໍ່ປະຕິບັດໃນຕໍ່ໜ້າ ພ້ອມດຽວກັນ ທ່ານ ສົມຄິດ ແສນທະວີ ກໍໄດ້ຂຶ້ນກ່າວຮັບໜ້າທີ່ຢ່າງເປັນທາງການ.


     ຈາກນັ້ນກໍ່ໄດ້ມີການເຊັນບົດບັນທຶກ ມອບ-ຮັບໜ້າທີ່ຢ່າງເປັນທາງການ ລະຫວ່າງ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນ ຜູ້ເກົ່າ ກັບທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ່ໃໝ່ ໂດຍຊ້ອງໜ້າທ່ານ ວິຊຽນ ນະວິກຸນ , ຄະນະປະຈໍາພັກແຂວງ ຮອງເຈົ້າແຂວງສາລະວັນ, ມີບັນດາການນໍາຈາກພະແນກການອ້ອມຂ້າງ ແລະ ພາກສ່ວນ ບໍລິສັດ ຂົງເຂດ ພະແນກ ໄປສະນີ,ໂທລະຄົມມະນາຄົມ ແລະ ການສື່ສານ ເຂົ້າຮ່ວມເປັນສັກຂີພິຍານ.

ກອງປະຊຸມ ເຜີຍແຜ່ເຊື່ອມຊຶມ ຄຳແນະນຳ ກຽ່ວກັບການສະຫຼຸບຕີລາຄາ ການຈັດຕັ້ງປະຕິບັດ ກົດລະບຽບພັກ ສະໄໝທີ X ທົ່ວຄະນະພັກຮາກຖານ ພະແນກ ປທສ ແຂວງສາລະວັນ

ໃນຕອນເຊົ້້າ ວັນທີ 05/11/2019, ເວລາ 8:30 ໂມງ ທີ່ຫ້ອງປະຊຸມ ລາວໂທລະຄົມມະນາຄົມ ໄດ້ຈັດກອງປະຊຸມ ເຜີຍແຜ່ເຊື່ອມຊຶມ ຄຳແນະນຳ ກຽ່ວກັບການສະຫຼຸບຕີລາຄາ ການຈັດຕັ້ງປະຕິບັດ ກົດລະບຽບພັກ ສະໄໝທີ X ທົ່ວຄະນະພັກຮາກຖານ ພະແນກ ປທສ ແຂວງສາລະວັນ ເປັນປະທານ ໂດຍທ່ານ ຂັນໄຊ ຣັດຖະເຮົ້າ ກຳມະການພັກແຂວງ, ເລຂາຄະນະພັກ,ຫົວໜ້າພະແນກ ປທສ ແຂວງສາລະວັນ ມີບັນດາສະຫາຍໃນຄະນະພັກຮາກຖານ ສະຫາຍໃນຄະນະໜ່ວຍພັກ ທີ່ຂື້ນກັບຄະນະພັກຮາກຖານ ພະແນກ ປທສ ແຂວງ ແລະ ສະມາຊິກພັກສຳຮອງ ແລະ ສົມບູນ ກໍ່ໃຫ້ກຽດເຂົ້າຮ່ວມກອງປະຊຸມຄັ້ງນີ້ ທັງໝົດ 26 ສະຫາຍ,ຍິງ 3 ສະຫາຍ.

      ເຊິ່ງຈຸດປະສົງກອງປະຊຸມໃນຄັ້ງນີ້ ແມ່ນເພື່ອ ເຊື່ອມຊືມ ຄໍາແນະນໍາ ສະບັບເລກທີ 13/ອກ.ບຄ ລົງວັນທີ 29 ຕຸລາ 2019 ວ່າດ້ວຍ: ກຽ່ວກັບການສະຫຼຸບຕີລາຄາ ການຈັດຕັ້ງປະຕິບັດ ກົດລະບຽບພັກ ສະໄໝທີ X ໃນທົ່ວອົງຄະນະພັກຕົນ, ໃຫ້ກຽດ ເຜີຍແຜ່ ເອກະສານ ໂດຍ ທ່ານ ຂັນຊັນ ຣັດຖະເຮົ້າ ກຳມະການພັກແຂວງ, ເລຂາຄະນະພັກ,ຫົວໜ້າພະແນກ ປທສ ແຂວງສາລະວັນ,  ຫຼັງຈາກນັ້ນ ແຕ່ລະສະຫາຍ ກໍ່ໄດ້ປະກອບຄຳຄິດເຫັນ ທາງດ້ານເນື້ອໃນ ໃສ່ກົດລະບຽບພັກ ສະໃໝທີ X ເພື່ອໃຫ້ມີເນື້ອໃນຖືກຕ້ອງ,ຄົບຖ້ວນ,ຮັດກຸມ ແລະ ສອ່ງແສງເຖິງ ສະພາວະຄວາມເປັນຈິງ ດ້ານການຈັດຕັ້ງ ແລະ ການເຄື່ອນໄຫວ ຂອງລະບົບການຈັດຕັ້ງພັກ ແລະ ສະມາຊິກພັກ ໃນເງື່ອນໄຂໃໝ່ ເພື່ອລາຍງານ ໃຫ້ຄະນະຮັບຜິດຊອບສະຫຼຸບ-ສັງລວມການຈັດຕັ້ງປະຕິບັດ ກົດລະບຽບພັກ ແລະ ເພື່ອປະກອບໃສ່ ກົດລະບຽບພັກສະໃໝທີ XΙ.

       ກອງປະຊຸມໄດ້ດຳເນີນເປັນເວລາໜື່ງຄາບ ແລະ ປິດລົງຢ່າງມີຜົນສຳເລັດ ຕາມລະດັບຄາດໝາຍ ທີ່ວາງໄວ້.