Uncategorized

ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ 3

ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ, ຮ່ວມກັບ ຄະນະໂຄສະນາອົບຮົມແຂວງ, ພະແນກ ຖະແຫຼ່ງຂ່າວ ວັດທະນາທຳ ແລະ ທ່ອງທ່ຽວ , ພະແນກ ກວດກາ ແລະ ຄວບຄຸມຢາເສບຕິດ ປກສ ແຂວງ, ພະແນກ ຈະລາຈອນ ແຂວງສາລະວັນ,ເຄື່ອນໄຫວ ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ 3 ສຳເລັດ 2 ເມືອງ 3 ຈຸດ ຄື:

– ວັນທີ 5/11/219 ເຄື່ອນໄຫວຢູ່ ເມືອງເລົ່າງາມ ມີຜູ້ເຂົ້າຮ່ວມທັງໝົດ 532 ຄົນ/ ຍິງ281 ຄົນ ສະມາຊິກພັກ 177ສະຫາຍ,ຍິງ 93 ສະຫາຍ.

– ວັນທີ 14/11/2019 ຕອນເຊົ້າຢູ່ທີ່ ມ.ສ ຫ້ວຍໂຄນ ເມືອງວາປີ , ຕອນບ່າຍ ຢູ່ທີ່ ສະໂມສອນ ເມືອງວາປີ ,ຈຳນວນພົນ ເຂົ້າຮ່ວມທັງໝົດຕອນເຊົ້າ ແລະ ຕອນບ່າຍ ມີຈຳນວນພົນເຂົ້າຮ່ວມທັງໝົດ 1.182 ຄົນ, 628 ຄົນ. ສະມາຊິກພັກ 139 ສະຫາຍ, ຍິງ 65 ສະຫາຍ. ໃນນັ້ນຄູອາຈານ ແລະ ນັກຮຽນ 982 ຄົນ, ຍິງ 556 ຄົນ.

ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ2

ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ, ຮ່ວມກັບ ຄະນະໂຄສະນາອົບຮົມແຂວງ, ພະແນກ ຖະແຫຼ່ງຂ່າວ ວັດທະນາທຳ ແລະ ທ່ອງທ່ຽວ , ພະແນກ ກວດກາ ແລະ ຄວບຄຸມຢາເສບຕິດ ປກສ ແຂວງ, ພະແນກ ຈະລາຈອນ ແຂວງສາລະວັນ,ເຄື່ອນໄຫວ ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ2 ແຕ່ວັນທີ 28-30 ຕຸລາ 2019, 3 ເມືອງຄື: ເມືອງຕຸ້ມລານ, ເມືອງຕະໂອ້ຍ ແລະ ເມືອງສະໝ້ວຍ,ເປັນປະທານກອງປະຊຸມ ໂດຍທ່ານ ສີເຮັງ ຫອມສົມບັດ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ທ່ານຂັນໄຊ ຣັດຖະເຮົ້າ ຫົວໜ້າພະແນກ ໄປສະນີ ໂທລະຄົມມະນາຄົມ ແລະ ມີບັນດາທ່ານຕາງໜ້າພະແນກການທີ່ກ່ຽວຂ້ອງ, ຄະນະອໍານວຍການໂຮງຮຽນ ພ້ອມດ້ວຍອົງການຈັດຕັ້ງມະຫາຊົນ, ຄູອາຈານ ແລະ ນັກຮຽນເຂົ້າຮ່ວມ ,

ການຈັດຕັ້ງໂຄສະນາເຜີຍແຜ່ການນໍາໃຊ້ສື່ສັງຄົມອອນລາຍໃຫ້ຖືກຕ້ອງໃນ 3 ເມືອງ ເຊິ່ງມີຈໍານວນພົນເຂົ້າຮ່ວມທັງໝົດ 887 ຄົນ, ຍິງ 355ຄົນ, ສະມາພັກ 173ສະຫາຍ, 47 ສະຫາຍ ,ໃນນັ້ນຄະນະນໍາ, ພະນັກງານຫຼັກແຫຼ່ງແກ່ນສານຂອງເມືອງ, ສະມາຊິກພັກ-ພະນັກງານລັດຖະກອນ ຂອງເມືອງ 159ສະຫາຍ, ຍິງ 16 ສະຫາຍ, ເລຂາພັກ-ນາຍບບ້ານເທດສະບານເມືອງ 9ສະຫາຍ, ຍິງ 1 ສະຫາຍ ແລະ ນ້ອງໆ ນັກຮຽນທັງໝົດ 604 ຄົນ, ຍິ່ງ 268 ຄົນ.

ກອງປະຊຸມ ເປີດຊຸດຝຶກອົບຮົມ ການນຳນົດຕຳແໜ່ງງານ ແລະ ການປະເມີນຜົນ ຊຸດທີ ΙΙ

ກອງປະຊຸມ ເປີດຊຸດຝຶກອົບຮົມ ການນຳນົດຕຳແໜ່ງງານ ແລະ ການປະເມີນຜົນ ຊຸດທີ ΙΙ ວັນທີ 15-16 ຕຸລາ 2019 ຈັດຂື້້ນໂດຍ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ, ທີ່ ສະຖາບັນ ເຕັກໂນໂລຊີ ການສື່ສານ ຂໍ້ມູນຂ່າວສານ ໃຫ້ກຽດເປັນປະທານ ໂດຍທ່ານ ຈັນທະວີພອນ ເຄືອບຄຳວອນ ຮອງຫົວໜ້າກົມຈັດຕັ້ງ ພະນັກງານ ມີຜູ້ເຂົ້າຮ່ວມມາຈາກ 9 ແຂວງ ພາກໄຕ້ ແລະ ພາກກາງ(ແຂວງ ອັດຕະປື, ເຊກອງ, ສາລະວັນ, ຈຳປາສັກ, ສະຫວັນນະເຂດ, ຄຳມ່ວນ, ໄຊສົມບູນ, ຫຼວງພະບາງ ແລະ ຊຽງຂວາງ).ເຂົ້າຮ່ວມທັງໝົດ 40 ທ່ານ, ຍິງ 14 ທ່ານ.

          ເຊິ່ງການຝຶກອົບຮົມໃນຄັ້ງນີ້ ແມ່ນໄດ້ເຝິກອົບຮົມຢູ່ 2 ເອກະສານຫຼັກໆ ຄື:  ການນຳນົດຕຳແໜ່ງງານ ແລະ ວຽກງານ ນະໂຍບາຍ ແລະ ບຳນານ ໄດ້ເຜີຍແຜ່ ໃຫ້ພະນັກງານ ທຸກພາກສ່ວນທີ່ເຂົ້າຮ່ວມ ໄດ້ເຂົ້າໃຈ ໂດຍນັກວິທະຍາກອນ ຈາກກະຊວງ ປທສ ອະທິບາຍຊີ້ແຈງ ແຕ່ລະຂັ້ນຕອນ ຂອງການ ກຳນົດຕຳແໜ່ງງານຢ່າງລະອຽດ ເພື່ອຄວາມເປັນເອກະພາບ ທາງດ້ານຫຼັກການ ແລະ ຮັບປະກັນໃຫ້ແກ່ການ ກຳນົດຕຳແໜ່ງງານ ຖືກຕ້ອງໃນພາກປະຕິບັດຕົວຈິງ ພ້ອມທັງເຂົ້າໃຈ ຕໍ່ກັບ ລະບຽບ ນະໂຍບາຍ ທີ່ມີຕໍ່ພະນັກງານ ທີ່ຈະເຂົ້າບຳນານ ຢ່າງຈະແຈ້ງ .

ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຂອງນັກຮຽນ-ນັກສຶກສາ ພາຍໃນ ຂອບເຂດ ເທສະບານ ເມືອງສາລະວັນ

​ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ, ຮ່ວມກັບ ຄະນະໂຄສະນາອົບຮົມແຂວງ, ພະແນກ ຖະແຫຼ່ງຂ່າວ ວັດທະນາທຳ ແລະ ທ່ອງທ່ຽວ , ພະແນກ ກວດກາ ແລະ ຄວບຄຸມຢາເສບຕິດ ປກສ ແຂວງ, ພະແນກ ຈະລາຈອນ ແຂວງສາລະວັນ,

ເຄື່ອນໄຫວ ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຂອງນັກຮຽນ-ນັກສຶກສາ ພາຍໃນ ຂອບເຂດ ເທສະບານ ເມືອງສາລະວັນ ຈຳນວນ 6 ຈຸດ ແຕ່ວັນທີ 24-26 ກັນຍາ 2019 ມີໂຮງຮຽນຄື: ໂຮງຮຽນ ມສ ສາລະວັນ, ມສ ອົງແກ້ວ, ມສ ດ່ານ, ມສ ນາຂ້ອຍສາວ ແລະ ໂຮງຮຽນເຕັກ ວິຊາຊີບແບບປະສົມ ແຂວງສາລະວັນ,

ເປັນປະທານກອງປະຊຸມ ໂດຍທ່ານ ສີເຮັງ ຫອມສົມບັດ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ມີບັນດາທ່ານຕາງໜ້າພະແນກການທີ່ກ່ຽວຂ້ອງ, ຄະນະອໍານວຍການໂຮງຮຽນ ພ້ອມດ້ວຍອົງການຈັດຕັ້ງມະຫາຊົນ, ຄູອາຈານ ແລະ ນັກຮຽນເຂົ້າຮ່ວມ , ເຊິ່ງໃນການເຄື່ອນໄຫວຄັ້ງນີ້ ມີນັກຮຽນນັກສືກສາເຂົ້າຮ່ວມຮັບຟັງ ທັງໝົດ 4236 ຄົນ,ຍິງ 1816 ຄົນ.

ກອງປະຊຸມໃຫ່ຍຄັ້ງທີ I ຂອງໜ່ວຍພັກ ພະແນກ ປທສ ແຂວງສາລະວັນ

ກອງປະຊຸມໃຫ່ຍຄັ້ງທີ I ຂອງໜ່ວຍພັກ ພະແນກ ປທສ ແຂວງສາລະວັນ ໄດ້ໄຂຂື້ນໃນຕອນເຊົ້າ ວັນທີ20/09/2019, ທີ່ຫ້ອງປະຊຸມ ບໍລິສັດ ລາວໂທລະຄົມມະນາຄົມ ມະຫາຊົນ ສາຂາແຂວງສາລະວັນ, ພາຍໄຕ້ການເປັນປະທານ ຂອງ ສະຫາຍ ຄຳໝອນ ແກ້ວປັດຈິດ ເລຂາໜ່ວຍພັກ ພະແນກ ປທສ ແຂວງສາລະວັນ,  ເປັນກຽດເຂົ້າຮ່ວມ ຂອງ ສະຫາຍ ຂັນໄຊ ຣັດຖະເຮົ້າ ກຳມະການພັກແຂວງ, ເລຂາຄະນະພັກ ພະແນກ ປທສ ແຂວງສາລະວັນ, ນອກນັ້ນ ຍັງມີບັນດາ ຄະນະພັກ, ບັນດາສະຫາຍຜູ່ແທນ ແລະ ໜ່ວຍພັກ ອ້ອມຂ້າງ ທົ່ວຂົງເຂດ ພະແນກ ປທສ ແຂວງສາລະວັນ ເຂົ້າຮ່ວມທັງໝົດ 21 ສະຫາຍ,ຍິງ 5 ສະຫາຍ.

          ຜ່ານກອງປະຊຸມໃຫ່ຍຄັ້ງນີ້ ບັນດາສະຫາຍຜູ່ແທນກອງປະຊຸມ ຕ່າງກໍ່ເປັນເອກະສັນ ຮັບຮອງບັນດາເນື້ອໃນສໍາຄັນຕ່າງໆຂອງກອງປະຊຸມ ແລະ ເປັນເອກະພາບ ຕໍ່ບົດລາຍງານການເມືອງ, ແຜນພັດທະນາ 2020-2024 ໂດຍເນັ້ນໃສ່ ຊຸກຍູ້ ຜູ່ປະກອບການ ໂທລະຄົມມນາະຄົມ ສາຂາແຂວງ, ພັດທະນາເຄືອຂາຍ ໃຫ້ມີຄຸນນະພາບ ແລະ ຂະຫຍາຍຕາໜ່າງ ໄປສະນີ ໂທລະຄົມມະນາຄົມ ໃຫ້ຄວບຄຸມຟື້ນທີ່ຂອງແຂວງຫຼາຍຂື້ນ, ພ້ອມທັງ ມອບທັນທະອາກອນ ເຂົ້າງົບປະມານແຫ່ງລັດຂອງແຂວງເພີ່ມຂື້ນ 10% ແລະ ປະກອບສ່ວນລວມຍອດ ຜະລິດຕະພັນພາຍໃນ (GDP) ຂອງແຂວງ 8% ຕໍ່ປີ.

          ບັນດາຜູ່ແທນກອງປະຊຸມໃຫຍ່ ໄດ້ໃຊ້ສິດປະຊາທິປະໄຕຢ່າງເຕັມສ່ວນຂອງຕົນ ປ່ອນບັດເລືອກຕັ້ງເອົາຄະນະໜ່ວຍພັກຊຸດ I , ມີຜູ່ອອກສະໜັກຮັບເລືອກຕັ້ງ ຈຳນວນ 04 ສະຫາຍ, ຍິ່ງ 1 ສະຫາຍ,  ໃນນັ້ນ ໄດ້ເລືອກເອົາ ສະຫາຍ ຄຳໝອນ ແກ້ວປັດຈິດ ເປັນ ເລຂາໜ່ວຍພັກ, ສະຫາຍ ດຳສະອາດ ນະແກ້ງສິມ ເປັນຮອງເລຂາໜ່ວຍພັກ ແລະ ປະທານກວດກາ ໜ່ວຍພັກພະແນກ ປທສ ແຂວງສາລະວັນ.

ກອງປະຊຸມໃຫຍ່ຂອງໜ່ວຍພັກ ພະແນກ ປທສ ໃນຄັ້ງນີ້ ຍັງໄດ້ຮັບກຽດ ຈາກສະຫາຍ ຂັນໄຊ ຣັດຖະເຮົ້າ ກໍາມະການພັກແຂວງ ເລຂາຄະນະພັກຮາກຖານ ໃຫ້ກຽດມີຄຳເຫັນໂອລົມ, ເຊິ່ງ ສະຫາຍ ໄດ້ຍ້ອງຍໍຊົມເຊີຍ ຕໍ່ຜົນສຳເລັດ ໃນການ ຊີ້ນຳ-ນຳພາຂອງ ຄະນະພັກໜ່ວຍພັກ ຕະຫຼອດຮອດ ສະມາຊິກພັກ, ພະນັກງານ ທີ່ໄດ້ພ້ອມກັນ ຈັດຕັ້ງປະຕິບັດໜ້າທີ່ຂອງຕົນ ສາມາດຍາດເອົາຜົນງານ ອັນພົນເດັ່ນຫຼາຍດ້ານ ແລະ ສະຫາຍ ຍັງໄດ້ ຝາກຄວາມເຊື່ອໝັ້ນ ຕໍ່ຄະນະພັກຊຸດໃໝ່ ໃຫ້ສືບຕໍ່ຊີ້ນຳ-ນຳພາ ຈັດຕັ້ງມະຕິກອງປະຊຸມໃຫ່ຍຂອງຄະນະໜ່ວຍພັກຄັ້ງນີ້ ໃຫ້ມີຜົນສຳເລັດຫຍິ່ງໃຫ່ຍກວ່າເກົ່າ.

ກອງປະຊຸມ ເປີດບັ້ນຂະບວນການ ຂໍ້ແຂ່ງຂັນ 3ດີ ຂອງ ໜ່ວຍສະຫະພັນແມ່ຍິງ ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ

ກອງປະຊຸມ ເປີດບັ້ນຂະບວນການ ຂໍ້ແຂ່ງຂັນ 3ດີ ຂອງ ໜ່ວຍສະຫະພັນແມ່ຍິງ ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ ,ໄດ້ໄຂຂື້ນຢ່າງເປັນທາງການ ໃນວັນທີ 17 ກໍກະກົດ 2019 ຜ່ານມານີ້, ທີ່ ຫ້ອງປະຊຸມ ຫ້ອງການສະຫະພັນນັກຮົບເກົ່າ ແຂວງສາລະວັນ, ໂດຍພາຍໄຕ້ການເປັນປະທານ ຂອງ ທ່ານ ນາງບຸນທະວີ ດວງລາສີ ຄະນະປະຈຳພັກແຂວງ ປະທານສະຫະພັນແມ່ຍິງແຂວງ,ຜູ້ຊີ້ນຳວຽກງານອົງການຈັດຕັ້ງມະຫາຊົນຂັ້ນແຂວງ, ທ່ານ ດຳສະອາດ ນະແກ້ງສິມ ຮອງເລຂາໜ່ວຍພັກ ຫົວໜ້າຂະແໜງ ໂທລະຄົມມະນາຄົມ ພະແນກ ປທສ ແຂວງສາລະວັນ ແລະ  ທ່ານ ນາງ ສຸດທິດາ ວົງສາລາດ ຮອງຫົວໜ້າ ໜ່ວຍສະຫະພັນແມ່ຍິງ ພະແນກ ປທສ ແຂວງ  ແລະ ມີບັນດາ ແຂກຜູ່ແທນກອງປະຊຸມທີ່ມາຈາກ ສະຫະພັນ ແມ່ຍິງໜ່ວຍ ບໍລິສັດ ລັດວິສະຫະກິດ ໄປສະນີລາວ,ບໍລິສັດ ອີທີແອລ ແລະ ຄະນະຮັບຜິດຊອບຂໍ້ແຂ່ງຂັນ 3ດີ ຕະຫຼອດຮອດ ສະມາຊິກແມ່ຍິງ ພາຍໃນໜ່ວຍ ສະຫະພັນແມ່ຍິງ ພະແນກ ປທສ ແຂວງ ທັງໝົດເຂົ້າຮ່ວມ ຈຳນວນ 18 ທ່ານ, ຍິງ 12 ທ່ານ.

ໃຫ້ກຽດຂື້ນກ່າວເປີດກອງປະຊຸມຢ່າງເປັນທາງການ ໂດຍ ທ່ານ ນາງ ສຸດທິດາ ວົງສາລາດ ຮອງຫົວໜ້າ  ໜ່ວຍສະຫະພັນແມ່ຍິງ ພະແນກ ປທສ ແຂວງສາລະວັນ,ກອງປະຊຸມ ໃນຄັ້ງນີ້ ແມ່ນໃດ້ ຜ່ານຂໍ້ຕົກລົງ ແຕ່ງຕັ້ງຄະນະຮັບຜິດຊອບ ວຽກງານຂໍ້ແຂ່ງຂັນ 3 ດີ ປະຈຳປີ 2020 ພ້ອມທັງ ສະຫຼຸບການຈັດຕັງປະຕິບັດວຽກງານຮອບດ້ານຂອງ ໜ່ວຍ ປະຈຳປີ 2019 ແລະ ວາງທິດທາງແຜນການປະຕິບັດ ຂໍ້ແຂ່ງຂັນ 3 ດີ ປະຈຳສົກປີ 2020,ບັນດາຜູ່ແທນ ແລະ ແຂກທີ່ເຂົ້າຮ່ວມທຸກທ່ານ ໃດ້ຄົ້ນຄ້ວາ ສຸມທຸກສະຕິປັນຍາ ປະກອບຄຳເຫັນໃສ່ທິດທາງແຜນການ ຂໍ້ແຂ່ງຂັນ 3 ດີ ປະຈຳສົກປີ 2020 ຢ່າງກົງໃປກົງມາ ແລະ ມີຄວາມເປັນເອກະພາບສູງ.

ຫຼັງຈາກນັ້ນ,ຕາງໜ້າສະມາຊິກ ໜ່ວຍ ສະຫະພັນແມ່ຍິງ ພະແນກ ປທສ ກໍ່ໄດ້ຂື້ນຜ່ານເນື້ອໃນຂໍ້ແຂ່ງຂັນ 3 ດີ ພ້ອມທັງ ໄດ້ຈັບມືແຂ່ງຂັນ ເພື່ອເປັນການຢັ້ງຢືນວ່າ ສະຫະພັນແມ່ຍິງ ໜ່ວຍພະແນກ ປທສ ຈະສືບຕໍ່ປະຕິບັດໃຫ້ເກີດດອກອອກຜົນໃນຕໍ່ໜ້າ , ກອງປະຊຸມໃນຄັ້ງນີ້ຍັງໃດ້ຮັບກຽດຢ່າງສູງ ຈາກ ທ່ານ ນາງ ບຸນທະວີ ດວງລາສີ ຄະນະປະຈຳພັກແຂວງ,ປະທານສະຫະພັນແມ່ຍິງແຂວງ,ຜູ້ຊີ້ນຳວຽກງານອົງການຈັດຕັ້ງມະຫາຊົນ ຂັ້ນແຂວງກໍ່ໃຫ້ກຽດມີຄຳເຫັນໂອ້ລົມ ຢູ່4 ບັນຫາໃຫ່ຍ ໃນນັ້ນ ເພີ່ນຍັງໃດ້ເນັ້ນໜັກ ໃຫ້ ສະມາຊິກ ແມ່ຍິງໃນໜ່ວຍ ພະແນກ ປທສ ແຂວງ ທຸກສະຫາຍ ສືບຕໍ່ ຄົ້ນຄ້ວາ,ຮ່ຳຮຽນ ກຳແໜ້ນ ບັນດາກົດໝາຍ, ພາລະບົດບາດ ຂອງແມ່ຍິງລາວ ເອົາໃຈໃສ່ສຸມສະຕິບັນຍາ ເຂົ້າໃນວຽກງານແມ່ຍິງ ເພື່ອໃຫ້ບັນລຸຕາມລະດັບຄາດໝາຍ ທີ່ວາງໄວ້ ແລະ ເພື່ອເປັນບ່ອນອີງ ໃນການຈັດຕັ້ງປະຕິບັດວຽກງານໃນຕໍ່ໜ້າ

ໃນວາລະທ້າຍສຸດ, ທ່ານ ນາງ ສຸດທິດາ ວົງສາລາດ ຮອງຫົວໜ້າ ໜ່ວຍສະຫະພັນແມ່ຍິງ ພະແນກ ປທສ ແຂວງສາລະວັນ ກໍ່ໃດ້ຂື້ນຮັບຄຳໂອວາດ ແລະ ສະແດງຄວາມຮູ້ບຸນຄຸນຢ່າງສູງ ທີ່ມີຄຳເຫັນ ຊີ້ທິດເຢືອງທາງ ເພື່ອນຳໃປຈັດຕັ້ງຜັນຂະຫຍາຍ ໃຫ້ປະກົດຜົນເປັນຈິງ ເທື່ອລະກ້າວ,ກອງປະຊຸມຄັ້ງນີ້ໄດ້ດຳເນີນ ເປັນເວລາ 1 ຄາບ ແລະ ປິດລົງຢ່າງເປັນທາງການ ດ້ວຍຜົນສຳເລັດ ອັນຈົບງາມ.

ກອງປະຊຸມ ບັ້ນດຳເນີນຊີວິດການເມືອງ ທ້າຍສະໄໝ ຮອບເປີດກວ້າງ (ຮອບທີ 1), ໂດຍຕິດພັນກັບການທາບທາມ ໂຄງປະກອບການຈັດຕັ້ງຄະນະໜ່ວຍພັກ ຊຸດໃໝ່ (ຊຸດທີ І )

ໜ່ວຍພັກ ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ ໄດ້ເປີດກອງປະຊຸມ ບັ້ນດຳເນີນຊີວິດການເມືອງ ທ້າຍສະໄໝ ຮອບເປີດກວ້າງ (ຮອບທີ 1), ໂດຍຕິດພັນກັບການທາບທາມ ໂຄງປະກອບການຈັດຕັ້ງຄະນະໜ່ວຍພັກ ຊຸດໃໝ່ (ຊຸດທີ І ) ເຊິ່ງໄດ້ໄຂຂື້ນຢ່າງເປັນທາງການ ໃນຕອນເຊົ້າຂອງວັນທີ 11 ກໍລະກົດ 2019 ທີ່ ຫ້ອງປະຊຸມ ພະແນກ ປທສ ແຂວງສາລະວັນ, ໂດຍພາຍໄຕ້ການເປັນປະທານ ຂອງສະຫາຍຄຳໝອນ,ປະທານກວດກາຄະນະພັກ, ເລຂາໜ່ວຍພັກ ຮອງຫົວໜ້າພະແນກ ປທສ ແຂວງສາລະວັນ ແລະ ມີບັນດາ ຄະນະໜ່ວຍພັກ ສະມາຊິກພັກ, ພະນັກງານຫຼັກແຫຼ່ງແກ່ນສານ ທັງໝົດເຂົ້າຮ່ວມ ຈຳນວນ 15 ສະຫາຍ, ຍິງ 7 ສະຫາຍ.

ຈຸດປະສົງຂອງກອງປະຊຸມ ໃນຄັ້ງນີ້ ແມ່ນເພື່ອສຳຫຼວດກວດກາຕີລາຄາຄືນ ຜົນງານ ແລະ ໄຊຊະນະຂອງໜ່ວຍພັກ,ບຸກຄົນຄະນະພັກ,ສະມາຊິດພັກ ແລະ ການຈັດຕັ້ງຕ່າງໆ, ພ້ອມທັງເປັນການຕຳນິສົ່ງຂ່າວ, ກໍ່ສ້າງຊ່ວຍເຫຼືອເຊິ່ງກັນ ແລະ ກັນ, ນອກນັ້ນ ຍັງຕິດພັນກັບ ຜ່ານຮ່າງບົດສໍາຫຼວດນຳພາລວມ, ຮ່າງບົດລາຍງານ ການເມືອງ ແລະ ຮ່າງ ແຜນພັັັັັດທະນາ ຢ່າງກົງໄປກົງມາ ແລະ ພາວະວິໃສ.

ກອງປະຊຸມໃນຄັ້ງນີ້ ໄດ້ຮັບກຽດ ຈາກສະຫາຍ ຂັນໄຊ ຣັດຖະເຮົ້າ ກຳມະການພັກແຂວງ, ເລຂາຄະນະພັກ ຫົວໜ້າ ພະແນກ ປທສ ແຂວງສາລະວັນ ໄດ້ໃຫ້ກຽດ ເຜີຍແຜ່ເຊື່ອມຊຶມ ມະຕິກອງປະຊຸມ ຄົບຄະນະບໍລິຫານງານພັກ ແຂວງສາລະວັນ ເປີດກວ້າງຄັ້ງທີ 10 ສະໄໜທີ VΙΙΙ ໃຫ້ສະມາຊິກພັກ ແລະ ຖັນແຖວພະນັກງານ ພາຍໃນ ພະແນກ ປທສ ແຂວງສາລະວັນ ໄດ້ເຊື່ອມຊືມ,ຮັບຮູ້ ແລະ ເຂົ້າໃຈ.

ໃນວາລະສຸດທ້າຍ ຂອງກອງປະຊຸມ ສະຫາຍ ດຳສະອາດ ນະແກ້ງສິມ ຮອງເລຂາໜ່ວຍພັກ ຫົວໜ້າຂະແໜງ ໂທລະຄົມມະນາຄົມ ພະແນກ ປທສ ແຂວງສາລະວັນ ໄດ້ຂື້ນຜ່ານ ເອກະສານ ຄຳແນະນຳ ກຽ່ວກັບການຈັດຕັ້ງປະຕິບັດ ຄຳສັ່ງ ຂອງຄະນະເລຂາ ທິການສູນກາງພັກ ສະບັບເລກທີ: 784/ຄຈສພ,ລົງວັນທີ 14 ກັນຍາ 2018, ໂດຍຕິດພັນກັບການ ແນະນໍາການຂຽນບັດທາບທາມ ໂຄງປະກອບ ສະໝັກຄະນະໜ່ວຍພັກ ຊຸດໃໝ່, ຊຸດທີ І ຂອງ ໜ່ວຍພັກ ພະແນກ ປທສ ແຂວງສາລະວັນ, ຫຼັງຈາກນັ້ນບັນດາສະຫາຍ ສະມາຊິກພັກ, ພະນັກງານຫຼັກແຫຼ່ງແກ່ນສານ ທັງໝົດ ທີ່ເຂົ້າຮ່ວມກອງປະຊຸມໃນຄັ້ງນີ້ ກໍ່ໄດ້ດຳເນີນ ການປ່ອນບັດຄັດເລືອກເອົາ ຄະນະໜ່ວຍພັກຊຸດໃໝ່ (ຮອບທີ 1, ຮອບເປີດກວ້າງ), ກອງປະຊຸມຄັ້ງນີ້ໄດ້ດຳເນີນ ເປັນເວລາ 1 ມື້ ແລະ ປິດລົງຢ່າງເປັນທາງການ ດ້ວຍຜົນສຳເລັດ ອັນຈົບງາມ.

ເຜີຍແຜ່ເຊື່ອມຊຶມ ວຽກງານ ˝ຕ້ານ, ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝ ເມືອງ ວາປີ

ໃນຕອນເຊົ້າ ວັນທີ 31 ພຶດສະພາ 2019, ທີ່ຫ້ອງປະຊຸມສະໂມສອນ ຫ້ອງການປົກຄອງເມືອງ ວາປີ,    ພະແນກ ໄປສະນີ,ໂທລະຄົມມະນາຄົມ ແລະ ການສື່ສານແຂວງສາລະວັນ ໄດ້ເປີດກອງປະຊຸມເຜີຍແຜ່ເຊື່ອມຊຶມ ວຽກງານ ˝ຕ້ານ, ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝ ໃຫ້ພະນັກງານການນໍາ, ພະນັກງານວິຊາການອ້ອມຂ້າງເມືອງ ວາປີ  ແລະ ນັກຮຽນ ມ.ສ ເທດສະບານເມືອງ ວາປີ,ເຊິ່ງມີຜູ້ເຂົ້າຮ່ວມທັງໝົດລວມ: 79 ຄົນ, ຍິງ 37,ນັກຮຽນ 43 ຄົນ,ຍິງ 23 ຄົນ.

ໃຫ້ກຽດເປັນປະທານ ໂດຍ ທ່ານ ບຸນທົງ ວົງຈັນ ຄະນະປະຈຳພັກເມືອງ ຮອງເຈົ້າເມືອງ ເມືອງວາປີ ແລະ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ປທສ ແຂວງສາລະວັນ ພ້ອມດ້ວຍຄະນະ ທີມງານ ວິທະຍາກອນ ຈາກ ພະແນກ ປທສ, ບໍລິສັດ ລັດວິສາຫະກິດ ທີ່ໃຫ້ບໍລິການ ດ້ານໂທລະຄົມມະນາຄົມ (ບໍລິສັດລາວໂທລະຄົມມະນາຄົມ ມະຫາຊົນ, ບໍລິສັດສະຕຣາໂທລະຄົມ Unitel ແລະ ບໍລິສັດ ລັດສະກາຍ ໂທລະຄົມ Sky).

ໃຫ້ກຽດກ່າວເປີດກອງປະຊຸມ ໂດຍທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ  ປທສ ແຂວງສາລະວັນ ໃນນັ້ນທ່ານ ໄດ້ໃຫ້ຮູ້ເຖິງ ສິດ, ພາລະບົດບາດ ຂອງພະແນກ ປທສ ແລະ ຫ້ອງການ ປທສ ປະຈຳເມືອງ ໃນການເຮັດໜ້າທີ່ເປັນມະຫາພາກ ຄຸ້ມຄອງ ການເຄື່ອນໄຫວດຳເນີນທຸກລະກິດ ຂອງບັນດາ ບໍລິສັດ ລັດວິສາຫະກິດ ໃຫ້ບໍລິການ ທາງດ້ານ ໄປສະນີ ໂທລະຄົມມະນາຄົມ ແລະ ການສື່ສານ ພາຍໃນແຂວງ.

ກ່ອນເຂົ້າສູ່ວາລະ ເຜີຍແຜ່ເຊື່ອມຊຶມ ວຽກງານ ˝ຕ້ານ, ສະກັດກັ້ນ ການນໍາໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝ ໃນກອງປະຊຸມຄັ້ງນີ້ ບໍລິສັດທີ່ໃຫ້ບໍລິການ ດ້ານໂທລະຄົມມະນາຄົມ ກໍ່ຖືໂອກາດ ຂື້ນສະເໜີ ກຽ່ວກັບຄວາມເປັນມາ ພາລະບົດບາດ ພ້ອມທັງ ການໃຫ້ບໍລິການ ຂອງແຕ່ລະບໍລິສັດ ຄື:

ຕາງໜ້າ ບໍລິສັດ ລາວໂທລະຄົມມະນາຄົມ ມະຫາຊົນ LTC ຂື້ນລາຍງານ ໂດຍທ່ານ ສຸກສະຫວັດ ທົງສະອອນ ອໍຳນວຍການ ບໍລິສັດ ລາວໂທລະຄົມມະນາຄົມ ມະຫາຊົນ, ຕາງໜ້າບໍລິສັດ ສະກາຍ ໂທລະຄົມ Sky  ຂື້ນລາຍງານ ໂດຍທ່ານ ລົດທະເສນ ພິມມະສານ ຮອງອຳນວຍການ ບໍລິສັດ Sky

ຫຼັງຈາກນັ້ນ ທ່ານ ບຸນທົງ ວົງຈັນ ຄະນະປະຈຳພັກເມືອງ ຮອງເຈົ້າເມືອງ ເມືອງວາປີ ກໍ່ໃດ້ໃຫ້ກຽດໂອ້ລົມມີຄຳເຫັນຕື່ມ ໃຫ້ທຸກພາກສ່ວນເຂົ້າໃຈຢ່າງໜັກແໜ້ນກຽ່ວກັບ ການ ຄຸ້ມຄອງ ການເຄື່ອນໄຫວດຳເນີນທຸກລະກິດ ຂອງບັນດາ ບໍລິສັດ ລັດວິສາຫະກິດ ໃຫ້ບໍລິການ ທາງດ້ານ ໄປສະນີ ໂທລະຄົມມະນາຄົມ ແລະ ການສື່ສານ ພາຍໃນແຂວງ.

ວາລະຕໍ່ມາແມ່ນ ການເຜີຍແຜ່ ເຊື່ອມຊຶມ ບົດໂຄງການ “ຕ້ານ ແລະ ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ”   ຂື້ນບັນລະຍາຍ ໂດຍ: ທ່ານ ດໍາສະອາດ ນະແກ້ງສິມ ຫົວໜ້າ ຂະແໜງ ໂທລະຄົມມະນາຄົມ ແລະ ທ່ານ ກິລິຍາ ຈັນທະລາ ວິຊາການຂະແໜງ ໂທລະຄົມມະນາຄົມ ເຊິ່ງໃນບົດບັນລະຍາຍເຊື່ອມຊຶມນີ້ ມີຫົວຂໍ້ຄື:

1.  ຄວາມໝາຍຂອງສື່ສັງຄົມອອຍລາຍ

2. ປະເພດຂອງສື່ສັງຄົມອອນລາຍ

3. ຂໍ້ດີ ແລະ ຜົນເສຍຂອງສື່ສັງຄົມອອນລາຍ

4. ນໍາໃຊ້ສື່ສັງຄົມ ອອນລາຍແນວໃດຈື່ງຈະປອດໄພ

5. ຂໍ້ຄວນລະວັງໃນການນຳໃຊ້ສື່ສັງຄົມອອນລາຍ

6. ວິທີຕອບໂຕ້ ແລະ ດໍາເນີນການແກ້ໄຂ ເມື່ອຕົກເປັນເຫຍື່ອຈາກຜູ້ກະທຳຜິດ

7. ຂັ້ນຕອນການດຳເນີນການ ເມື່ອພົບບັນຫາ ຫຼື ຕົກເປັນເຫຍື່ອຈາກຜູ້ກະທຳຜິດ

8. ວິທີການແກ້ໄຂຂັ້ນພື້ນຖານ ດ້ວຍຕົນເອງ ເມື່ອຖືກປອມ Facebook

9. ບັນດາກົດໝາຍທີ່ກຽ່ວຂ້ອງ ກັບການກະທຳຜິດ ຜ່ານສື່ສັງຄົມອອນລາຍ ແລະ ມາດຕະການທາງອາຍາ     ຕໍ່ຜູ່ລະເມີດ

ສຸດທ້າຍຂອງບົດ ເຜີຍແຜ່ເຊື່ອມຊຶມຄັ້ງນີ້ ທາງທີມງານ ນັກ ວິທະຍາກອນ ກໍ່່ໄດ້ສ້າງກິດຈະກຳ ຖາມ-ຕອບ ແລະ  ມອບຂອງລາງວັນ

ກອງປະຊຸມເຜີຍແຜ່ເຊື່ອມຊຶມ ວຽກງານ ˝ຕ້ານ, ສະກັດກັ້ນ ການນໍາໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝ ຈັດຂື້ນເພື່ອແນໃສ່ ໃຫ້ທຸກຄົນທີ່ນໍາໃຊ້ ຫຼື ຫຼີ້ນ ສື່ສັງຄົມອອນລາຍໃນປັດຈຸບັນ ມີຄວາມເຂົ້າໃຈເຖິງຜົນດີ, ຜົນກະທົບ ແລະ ນຳໃຊ້ສື່ສັງຄົມອອນລາຍ ຢ່າງມີສະຕິ ໃຊ້ໃຫ້ເກີດປະໂຫຍດ, ຮູ້ເຖິງກົດໝາຍທີ່ກຽ່ວຂ້ອງ ແລະ ຫຼີກ ລຽງ ຜົນກະທົບທີ່ຈະເກີດຂື້ນຈາກການນຳໃຊ້ສື່ສັງຄົມອອນລາຍ ໃຫ້ມີໜ້ອຍທີ່ສຸດ.

ທ້າຍສຸດ ທ່ານ ຂັນໄຊ ຮັດຖະເຣົ້າ ກຳມະການພັກແຂວງ ຫົວໜ້າພະແນກ ໄປສະນີ,ໂທລະຄົມມະນາຄົມ ແລະ ການສື່ສານ ແຂວງສາລະວັນ ທ່ານກໍ່ໃຫ້ກຽດໂອ້ລົມຕື່ມ ກຽ່ວກັບບົດເຜີຍແຜ່ ເພື່ອໃຫ້ມີຄວາມໜັກແໜ້ນ ແລະ ນຳໃຊ້ສື່ສັງຄົມ ອອນລາຍ ດ້ວຍຄວາມມີສະຕິ ແລະ ນຳໃຊ້ ໃຫ້ເກີດປະໂຫຍດ ສອດຄ່ອງຕໍ່ລະບຽບ ກົດໝາຍ ຂອງ ພັກ-ລັັດ ວາງອອກ.

ກອງປະຊຸມເຜີຍແຜ່ເຊື່ອມຊຶມ ບົດໂຄງການ ˝ຕ້ານ ແລະ ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝

ໃນຕອນເຊົ້າ ວັນທີ 23 ພຶດສະພາ 2019,ຜ່ານມານີ້ ພະແນກ ໄປສະນີ,ໂທລະຄົມມະນາຄົມ ແລະ ການສື່ສານແຂວງສາລະວັນ ໄດ້ເປີດກອງປະຊຸມເຜີຍແຜ່ເຊື່ອມຊຶມ ບົດໂຄງການ ˝ຕ້ານ ແລະ ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝ , ໃຫ້ພະນັກງານການນຳ,ພະນັກງານວິຊາການອ້ອມຂ້າງເມືອງຄົງເຊໂດນ ແລະ ນັກຮຽນ ມ.ສ ເທດສະບານເມືອງຄົງເຊໂດນ .

ເຊິ່ງກອງປະຊຸມຄັ້ງນີ້ ໄດ້ຈັດຂື້ນທີ່ຫ້ອງປະຊຸມສະໂມສອນ ຫ້ອງວ່າການປົກຄອງເມືອງຄົງເຊໂດນ ,ໃຫ້ກຽດເປັນປະທານ ໂດຍ ທ່ານ ບຸນທັນ ລືເດດມູນສອນ ຮອງເລຂາພັກເມືອງ ຮອງເຈົ້າເມືອງ ເມືອງຄົງເຊໂດນ ແລະ ທ່ານ ຄຳໝອນ ແກ້ວປັດຈິດ ຄະນະພັກຮາກຖານ ເລຂາໜ່ວຍພັກ ຮອງພະແນກ ໄປສະນີໂທລະຄົມມະນາຄົມ ແລະ ການສື່ສານແຂວງສາລະວັນ, ເຊິ່ງມີຜູ້ເຂົ້າຮ່ວມທັງໝົດລວມ: 94 ຄົນ, ຍິງ 31,ນັກຮຽນ 38 ຄົນ,ຍິງ 18 ຄົນ.

ໃນການເຜີຍແຜ່ ເຊື່ອມຊຶມ ບົດໂຄງການ “ຕ້ານ ແລະ ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ” ຄັ້ງນີ້ , ຂື້ນບັນລະຍານ ໂດຍ ທ່ານ ກິລິຍາ ຈັນທະລາ ວິຊາການຂະແໜງ ໂທລະຄົມມະນາຄົມ ເຊິ່ງໃນບົດບັນລະຍາຍເຊື່ອມຊຶມນີ້ ມີຫົວຂໍ້ຄື:

1.  ຄວາມໝາຍຂອງສື່ສັງຄົມອອຍລາຍ

2. ປະເພດຂອງສື່ສັງຄົມອອນລາຍ

3. ຂໍ້ດີ ແລະ ຜົນເສຍຂອງສື່ສັງຄົມອອນລາຍ

4. ນໍາໃຊ້ສື່ສັງຄົມ ອອນລາຍແນວໃດຈື່ງຈະປອດໄພ

5. ຂໍ້ຄວນລະວັງໃນການນຳໃຊ້ສື່ສັງຄົມອອນລາຍ

6. ວິທີຕອບໂຕ້ ແລະ ດໍາເນີນການແກ້ໄຂ ເມື່ອຕົກເປັນເຫຍື່ອຈາກຜູ້ກະທຳຜິດ

7. ຂັ້ນຕອນການດຳເນີນການ ເມື່ອພົບບັນຫາ ຫຼື ຕົກເປັນເຫຍື່ອຈາກຜູ້ກະທຳຜິດ

8. ວິທີການແກ້ໄຂຂັ້ນພື້ນຖານ ດ້ວຍຕົນເອງ ເມື່ອຖືກປອມ Facebook

9. ບັນດາກົດໝາຍທີ່ກຽ່ວຂ້ອງ ກັບການກະທຳຜິດ ຜ່ານສື່ສັງຄົມອອນລາຍ ແລະ ມາດຕະການທາງອາຍາ       ຕໍ່ຜູ່ລະເມີດ

ກອງປະຊຸມ ເຜີຍແຜ່ເຊື່ອມຊຶມຄັ້ງນີ້, ຈັດຂື້ນເພື່ອແນໃສ່ ໃຫ້ທຸກຄົນທີ່ນຳໃຊ້ ຫຼື ຫຼີ້ນ ສື່ສັງຄົມອອນລາຍໃນປັດຈຸບັນ ມີຄວາມເຂົ້າໃຈເຖິງຜົນດີ ແລະ ຜົນກະທົບ,ນຳໃຊ້ດ້ວຍຄວາມມີສະຕິ ແລະ ຫຼີກ ລຽງ ຜົນກະທົບທີ່ຈະເກີດຂື້ນຈາກການນຳໃຊ້ສື່ສັງຄົມອອນລາຍໃຫ້ມີໜ້ອຍທີ່ສຸດ.

ທ້າຍສຸດ ທ່ານ ບຸນທັນ ລືເດດມູນສອນ ຮອງເລຂາພັກເມືອງ ຮອງເຈົ້າແຂວງ ເມືອງຄົງເຊໂດນ ທ່ານກໍ່ໃຫ້ກຽດໂອ້ລົມ ແລະ ກ່າວຍ້ອງຍໍຊົມເຊີຍ ທີ່ທາງພະແນກ ໄປສະນີ,ໂທລະຄົມມະນາຄົມ ແລະ ການສື່ສານແຂວງສາລະວັນ, ໄດ້ມາເຜີຍແຜ່ເຊື່ອມຊຶມ ບົດໂຄງການ ຕ້ານ ແລະ ສະກັດກັ້ນ ການນຳໃຊ້ສື່ສັງຄົມອອນລາຍ ໃຫ້ພະນັກງານການນຳ,ວິຊາການຂັ້ນເມືອງ,ເຍົາວະຊົນ ແລະໄວໜຸ່ມ. ໃດ້ຮັບຮູ້ ແລະ ເຂົ້າໃຈເຖິງຜົນດີ ແລະ ຜົນກະທົບ, ມີສະຕິໃນການນຳໃຊ້ສື່ສັງຄົມອອນລາຍ,ນຳໃຊ້ໃຫ້ເກີດປະໂຫຍດ ແກ່ຕົນເອງ ແລະ ປະເທດຊາດ ກໍ່ຄືອົງການຈັດຕັ້ງ ພັກ-ລັດ.

ກອງປະຊຸມ ຮັບສະມາຊິກພັກ ສົມບູນໃໝ່ ແລະ ເຜີຍແຜ່ເຊື່ອມຊືມ ເອກະສານທີ່ສໍາຄັນຂອງພັກ ຂອງຊາດ

ໃນຕອນເຊົ້າຂອງວັນທີ 17 ພຶດສະພາ 2019, ຜ່ານມານີີ້ ໜ່ວຍພັກຮາກຖານພະແນກ ໄປສະນີ,ໂທລະຄົມມະນາຄົມ ແລະ ການສື່ສານ ແຂວງສາລະວັັັັນ ໄດ້ເປີດກອງປະຊຸມ ຮັບສະມາຊິກພັກ ສົມບູນໃໝ່ ແລະ ເຜີຍແຜ່ເຊື່ອມຊືມ ເອກະສານທີ່ສໍາຄັນຂອງພັກ ຂອງຊາດ ທີ່ຫ້ອງປະຊຸມ ລາວໂທລະຄົມມະນາຄົມ,ໃຫ້ກຽດເປັນປະທານ ໂດຍທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ປທສ ແຂວງສາລະວັນ ພ້ອມດ້ວຍ ຄະນະພະແນກ ແລະ ບໍລິສັດ ຂົງເຂດ ປທສ ແຂວງສາລະວັນ ຈຳນວນ 39 ສະຫາຍ,ຍິງ 9 ສະຫາຍ

 ເຊິ່ງໃນກອງປະຊຸມຄັ້ງນີ້ ສະມາຊິກພັກ ສໍາຮອງ ໃດ້ຂື້ນຜ່ານ ບົດສໍາຫຼວດຕົນເອງໄລຍະສໍາຮອງ ແລະ ປະຕິຍານຕົນ ຕໍ່ພິທີຂອງພັກໄລຍະເຂົ້າເປັນ ສະມາຊິກພັກສົມບູນ 3 ທ່ານຄື: 1. ທ່ານ ນາງ ວິໄລຮັກ ແກ້ວໄຊຍະວົງ ຫົວໜ້າຂະແໜງໄປສະນີ, 2. ທ່ານ ນາງ ຄອນສະຫວັນ ເທບພະວົງ ຫົວໜ້າ ຂະແໜງ ບໍລິຫານ, 3. ທ່ານ ນາງ ແກ້ວມຸກດາ ສິນລິດສະໄໝ ພະນັກງານ ບໍລິສັດ ອີທີແອລ .

ຫຼັງຈາກນັ້ນ ໃຫ້ກຽດ ຂື້ນຜ່ານ ມະຕິຕົກລົງຂອງຄະນະພັກຂັ້ນເທີງ ການອະນຸມັດເຂົ້າເປັນ ສະມາຊິກພັກສົມບູນ ໂດຍ ທ່ານ ຄຳໜອນ ແກ້ວປັດຈິດ ຄະນະພັກຮາກຖານ ເລຂາໜ່ວຍພັກ ຮອງພະແນກ ປທສ ແຂວງສາລະວັນ

ສຸດທ້າຍນີ້ ທ່ານຂັນໄຊ ຣັດຖະເຮົ້າ ກໍາມະການພັກແຂວງ ຫົວໜ້າພະແນກ ປທສ ແຂວງສາລະວັນ ກໍ່ໃຫ້ກຽດ ໂອ້ລົມຕໍ່ ສະມາຊິກພັກສົມບູນໃໝ່ ພ້ອມທັງ ສະມາຊິກພັກສົມບູນໃໝ່ ກໍ່ໃດ້ຂື້ນຮັບຄຳໂອວາດຂອງຄະນະພັກຂັ້ນເທິງ

     ວາລະຕໍ່ມາ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ປທສ ແຂວງສາລະວັນໃຫ້ກຽດ ຂື້ນ ຜ່ານ ເອກາສານ ກົດໝາຍລັດຖະບານ ແລະ ມະຕິກອງປະຊຸມ ວຽກງານ ບໍລິຫານລັດ ຄັ້ງທີ 4 ສະໄໝທີ VIII

ວາລະສຸດທ້າຍ ຂອງກອງປະຊຸມ ທ່ານ ຄໍາໜອນ ແກ້ວປັດຈິດ ຄະນະພັກຮາກຖານ ເລຂາໜ່ວຍພັກ ຮອງພະແນກ ໄປສະນີໂທລະຄົມມະນາຄົມ ແລະ ການສື່ສານແຂວງສາລະວັນ ໃຫ້ກຽດ ຜ່ານ ເອກະສານ ລະນຶກວັນສ້າງຕັ້ງ ອົງການກວດກາພັກ-ລັດ ສປປ ລາວ ຄົບຮອບ 73 ປີ (16/02/1982-16/02/2019)