Uncategorized

ເຜີຍແຜ່ເຊື່ອມຊຶມ ວຽກງານ ˝ຕ້ານ, ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝ ເມືອງ ວາປີ

ໃນຕອນເຊົ້າ ວັນທີ 31 ພຶດສະພາ 2019, ທີ່ຫ້ອງປະຊຸມສະໂມສອນ ຫ້ອງການປົກຄອງເມືອງ ວາປີ,    ພະແນກ ໄປສະນີ,ໂທລະຄົມມະນາຄົມ ແລະ ການສື່ສານແຂວງສາລະວັນ ໄດ້ເປີດກອງປະຊຸມເຜີຍແຜ່ເຊື່ອມຊຶມ ວຽກງານ ˝ຕ້ານ, ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝ ໃຫ້ພະນັກງານການນໍາ, ພະນັກງານວິຊາການອ້ອມຂ້າງເມືອງ ວາປີ  ແລະ ນັກຮຽນ ມ.ສ ເທດສະບານເມືອງ ວາປີ,ເຊິ່ງມີຜູ້ເຂົ້າຮ່ວມທັງໝົດລວມ: 79 ຄົນ, ຍິງ 37,ນັກຮຽນ 43 ຄົນ,ຍິງ 23 ຄົນ.

ໃຫ້ກຽດເປັນປະທານ ໂດຍ ທ່ານ ບຸນທົງ ວົງຈັນ ຄະນະປະຈຳພັກເມືອງ ຮອງເຈົ້າເມືອງ ເມືອງວາປີ ແລະ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ປທສ ແຂວງສາລະວັນ ພ້ອມດ້ວຍຄະນະ ທີມງານ ວິທະຍາກອນ ຈາກ ພະແນກ ປທສ, ບໍລິສັດ ລັດວິສາຫະກິດ ທີ່ໃຫ້ບໍລິການ ດ້ານໂທລະຄົມມະນາຄົມ (ບໍລິສັດລາວໂທລະຄົມມະນາຄົມ ມະຫາຊົນ, ບໍລິສັດສະຕຣາໂທລະຄົມ Unitel ແລະ ບໍລິສັດ ລັດສະກາຍ ໂທລະຄົມ Sky).

ໃຫ້ກຽດກ່າວເປີດກອງປະຊຸມ ໂດຍທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ  ປທສ ແຂວງສາລະວັນ ໃນນັ້ນທ່ານ ໄດ້ໃຫ້ຮູ້ເຖິງ ສິດ, ພາລະບົດບາດ ຂອງພະແນກ ປທສ ແລະ ຫ້ອງການ ປທສ ປະຈຳເມືອງ ໃນການເຮັດໜ້າທີ່ເປັນມະຫາພາກ ຄຸ້ມຄອງ ການເຄື່ອນໄຫວດຳເນີນທຸກລະກິດ ຂອງບັນດາ ບໍລິສັດ ລັດວິສາຫະກິດ ໃຫ້ບໍລິການ ທາງດ້ານ ໄປສະນີ ໂທລະຄົມມະນາຄົມ ແລະ ການສື່ສານ ພາຍໃນແຂວງ.

ກ່ອນເຂົ້າສູ່ວາລະ ເຜີຍແຜ່ເຊື່ອມຊຶມ ວຽກງານ ˝ຕ້ານ, ສະກັດກັ້ນ ການນໍາໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝ ໃນກອງປະຊຸມຄັ້ງນີ້ ບໍລິສັດທີ່ໃຫ້ບໍລິການ ດ້ານໂທລະຄົມມະນາຄົມ ກໍ່ຖືໂອກາດ ຂື້ນສະເໜີ ກຽ່ວກັບຄວາມເປັນມາ ພາລະບົດບາດ ພ້ອມທັງ ການໃຫ້ບໍລິການ ຂອງແຕ່ລະບໍລິສັດ ຄື:

ຕາງໜ້າ ບໍລິສັດ ລາວໂທລະຄົມມະນາຄົມ ມະຫາຊົນ LTC ຂື້ນລາຍງານ ໂດຍທ່ານ ສຸກສະຫວັດ ທົງສະອອນ ອໍຳນວຍການ ບໍລິສັດ ລາວໂທລະຄົມມະນາຄົມ ມະຫາຊົນ, ຕາງໜ້າບໍລິສັດ ສະກາຍ ໂທລະຄົມ Sky  ຂື້ນລາຍງານ ໂດຍທ່ານ ລົດທະເສນ ພິມມະສານ ຮອງອຳນວຍການ ບໍລິສັດ Sky

ຫຼັງຈາກນັ້ນ ທ່ານ ບຸນທົງ ວົງຈັນ ຄະນະປະຈຳພັກເມືອງ ຮອງເຈົ້າເມືອງ ເມືອງວາປີ ກໍ່ໃດ້ໃຫ້ກຽດໂອ້ລົມມີຄຳເຫັນຕື່ມ ໃຫ້ທຸກພາກສ່ວນເຂົ້າໃຈຢ່າງໜັກແໜ້ນກຽ່ວກັບ ການ ຄຸ້ມຄອງ ການເຄື່ອນໄຫວດຳເນີນທຸກລະກິດ ຂອງບັນດາ ບໍລິສັດ ລັດວິສາຫະກິດ ໃຫ້ບໍລິການ ທາງດ້ານ ໄປສະນີ ໂທລະຄົມມະນາຄົມ ແລະ ການສື່ສານ ພາຍໃນແຂວງ.

ວາລະຕໍ່ມາແມ່ນ ການເຜີຍແຜ່ ເຊື່ອມຊຶມ ບົດໂຄງການ “ຕ້ານ ແລະ ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ”   ຂື້ນບັນລະຍາຍ ໂດຍ: ທ່ານ ດໍາສະອາດ ນະແກ້ງສິມ ຫົວໜ້າ ຂະແໜງ ໂທລະຄົມມະນາຄົມ ແລະ ທ່ານ ກິລິຍາ ຈັນທະລາ ວິຊາການຂະແໜງ ໂທລະຄົມມະນາຄົມ ເຊິ່ງໃນບົດບັນລະຍາຍເຊື່ອມຊຶມນີ້ ມີຫົວຂໍ້ຄື:

1.  ຄວາມໝາຍຂອງສື່ສັງຄົມອອຍລາຍ

2. ປະເພດຂອງສື່ສັງຄົມອອນລາຍ

3. ຂໍ້ດີ ແລະ ຜົນເສຍຂອງສື່ສັງຄົມອອນລາຍ

4. ນໍາໃຊ້ສື່ສັງຄົມ ອອນລາຍແນວໃດຈື່ງຈະປອດໄພ

5. ຂໍ້ຄວນລະວັງໃນການນຳໃຊ້ສື່ສັງຄົມອອນລາຍ

6. ວິທີຕອບໂຕ້ ແລະ ດໍາເນີນການແກ້ໄຂ ເມື່ອຕົກເປັນເຫຍື່ອຈາກຜູ້ກະທຳຜິດ

7. ຂັ້ນຕອນການດຳເນີນການ ເມື່ອພົບບັນຫາ ຫຼື ຕົກເປັນເຫຍື່ອຈາກຜູ້ກະທຳຜິດ

8. ວິທີການແກ້ໄຂຂັ້ນພື້ນຖານ ດ້ວຍຕົນເອງ ເມື່ອຖືກປອມ Facebook

9. ບັນດາກົດໝາຍທີ່ກຽ່ວຂ້ອງ ກັບການກະທຳຜິດ ຜ່ານສື່ສັງຄົມອອນລາຍ ແລະ ມາດຕະການທາງອາຍາ     ຕໍ່ຜູ່ລະເມີດ

ສຸດທ້າຍຂອງບົດ ເຜີຍແຜ່ເຊື່ອມຊຶມຄັ້ງນີ້ ທາງທີມງານ ນັກ ວິທະຍາກອນ ກໍ່່ໄດ້ສ້າງກິດຈະກຳ ຖາມ-ຕອບ ແລະ  ມອບຂອງລາງວັນ

ກອງປະຊຸມເຜີຍແຜ່ເຊື່ອມຊຶມ ວຽກງານ ˝ຕ້ານ, ສະກັດກັ້ນ ການນໍາໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝ ຈັດຂື້ນເພື່ອແນໃສ່ ໃຫ້ທຸກຄົນທີ່ນໍາໃຊ້ ຫຼື ຫຼີ້ນ ສື່ສັງຄົມອອນລາຍໃນປັດຈຸບັນ ມີຄວາມເຂົ້າໃຈເຖິງຜົນດີ, ຜົນກະທົບ ແລະ ນຳໃຊ້ສື່ສັງຄົມອອນລາຍ ຢ່າງມີສະຕິ ໃຊ້ໃຫ້ເກີດປະໂຫຍດ, ຮູ້ເຖິງກົດໝາຍທີ່ກຽ່ວຂ້ອງ ແລະ ຫຼີກ ລຽງ ຜົນກະທົບທີ່ຈະເກີດຂື້ນຈາກການນຳໃຊ້ສື່ສັງຄົມອອນລາຍ ໃຫ້ມີໜ້ອຍທີ່ສຸດ.

ທ້າຍສຸດ ທ່ານ ຂັນໄຊ ຮັດຖະເຣົ້າ ກຳມະການພັກແຂວງ ຫົວໜ້າພະແນກ ໄປສະນີ,ໂທລະຄົມມະນາຄົມ ແລະ ການສື່ສານ ແຂວງສາລະວັນ ທ່ານກໍ່ໃຫ້ກຽດໂອ້ລົມຕື່ມ ກຽ່ວກັບບົດເຜີຍແຜ່ ເພື່ອໃຫ້ມີຄວາມໜັກແໜ້ນ ແລະ ນຳໃຊ້ສື່ສັງຄົມ ອອນລາຍ ດ້ວຍຄວາມມີສະຕິ ແລະ ນຳໃຊ້ ໃຫ້ເກີດປະໂຫຍດ ສອດຄ່ອງຕໍ່ລະບຽບ ກົດໝາຍ ຂອງ ພັກ-ລັັດ ວາງອອກ.

ກອງປະຊຸມເຜີຍແຜ່ເຊື່ອມຊຶມ ບົດໂຄງການ ˝ຕ້ານ ແລະ ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝

ໃນຕອນເຊົ້າ ວັນທີ 23 ພຶດສະພາ 2019,ຜ່ານມານີ້ ພະແນກ ໄປສະນີ,ໂທລະຄົມມະນາຄົມ ແລະ ການສື່ສານແຂວງສາລະວັນ ໄດ້ເປີດກອງປະຊຸມເຜີຍແຜ່ເຊື່ອມຊຶມ ບົດໂຄງການ ˝ຕ້ານ ແລະ ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ ˝ , ໃຫ້ພະນັກງານການນຳ,ພະນັກງານວິຊາການອ້ອມຂ້າງເມືອງຄົງເຊໂດນ ແລະ ນັກຮຽນ ມ.ສ ເທດສະບານເມືອງຄົງເຊໂດນ .

ເຊິ່ງກອງປະຊຸມຄັ້ງນີ້ ໄດ້ຈັດຂື້ນທີ່ຫ້ອງປະຊຸມສະໂມສອນ ຫ້ອງວ່າການປົກຄອງເມືອງຄົງເຊໂດນ ,ໃຫ້ກຽດເປັນປະທານ ໂດຍ ທ່ານ ບຸນທັນ ລືເດດມູນສອນ ຮອງເລຂາພັກເມືອງ ຮອງເຈົ້າເມືອງ ເມືອງຄົງເຊໂດນ ແລະ ທ່ານ ຄຳໝອນ ແກ້ວປັດຈິດ ຄະນະພັກຮາກຖານ ເລຂາໜ່ວຍພັກ ຮອງພະແນກ ໄປສະນີໂທລະຄົມມະນາຄົມ ແລະ ການສື່ສານແຂວງສາລະວັນ, ເຊິ່ງມີຜູ້ເຂົ້າຮ່ວມທັງໝົດລວມ: 94 ຄົນ, ຍິງ 31,ນັກຮຽນ 38 ຄົນ,ຍິງ 18 ຄົນ.

ໃນການເຜີຍແຜ່ ເຊື່ອມຊຶມ ບົດໂຄງການ “ຕ້ານ ແລະ ສະກັດກັ້ນ ການນຳໃຊ້ສື່ສັງຄົມອອນລາຍ ຂອງເຍົາວະຊົນ ແລະ ໄວໜຸ່ມ ທີ່ໄປໃນທາງທີ່ບໍ່ເໝາະສົມ” ຄັ້ງນີ້ , ຂື້ນບັນລະຍານ ໂດຍ ທ່ານ ກິລິຍາ ຈັນທະລາ ວິຊາການຂະແໜງ ໂທລະຄົມມະນາຄົມ ເຊິ່ງໃນບົດບັນລະຍາຍເຊື່ອມຊຶມນີ້ ມີຫົວຂໍ້ຄື:

1.  ຄວາມໝາຍຂອງສື່ສັງຄົມອອຍລາຍ

2. ປະເພດຂອງສື່ສັງຄົມອອນລາຍ

3. ຂໍ້ດີ ແລະ ຜົນເສຍຂອງສື່ສັງຄົມອອນລາຍ

4. ນໍາໃຊ້ສື່ສັງຄົມ ອອນລາຍແນວໃດຈື່ງຈະປອດໄພ

5. ຂໍ້ຄວນລະວັງໃນການນຳໃຊ້ສື່ສັງຄົມອອນລາຍ

6. ວິທີຕອບໂຕ້ ແລະ ດໍາເນີນການແກ້ໄຂ ເມື່ອຕົກເປັນເຫຍື່ອຈາກຜູ້ກະທຳຜິດ

7. ຂັ້ນຕອນການດຳເນີນການ ເມື່ອພົບບັນຫາ ຫຼື ຕົກເປັນເຫຍື່ອຈາກຜູ້ກະທຳຜິດ

8. ວິທີການແກ້ໄຂຂັ້ນພື້ນຖານ ດ້ວຍຕົນເອງ ເມື່ອຖືກປອມ Facebook

9. ບັນດາກົດໝາຍທີ່ກຽ່ວຂ້ອງ ກັບການກະທຳຜິດ ຜ່ານສື່ສັງຄົມອອນລາຍ ແລະ ມາດຕະການທາງອາຍາ       ຕໍ່ຜູ່ລະເມີດ

ກອງປະຊຸມ ເຜີຍແຜ່ເຊື່ອມຊຶມຄັ້ງນີ້, ຈັດຂື້ນເພື່ອແນໃສ່ ໃຫ້ທຸກຄົນທີ່ນຳໃຊ້ ຫຼື ຫຼີ້ນ ສື່ສັງຄົມອອນລາຍໃນປັດຈຸບັນ ມີຄວາມເຂົ້າໃຈເຖິງຜົນດີ ແລະ ຜົນກະທົບ,ນຳໃຊ້ດ້ວຍຄວາມມີສະຕິ ແລະ ຫຼີກ ລຽງ ຜົນກະທົບທີ່ຈະເກີດຂື້ນຈາກການນຳໃຊ້ສື່ສັງຄົມອອນລາຍໃຫ້ມີໜ້ອຍທີ່ສຸດ.

ທ້າຍສຸດ ທ່ານ ບຸນທັນ ລືເດດມູນສອນ ຮອງເລຂາພັກເມືອງ ຮອງເຈົ້າແຂວງ ເມືອງຄົງເຊໂດນ ທ່ານກໍ່ໃຫ້ກຽດໂອ້ລົມ ແລະ ກ່າວຍ້ອງຍໍຊົມເຊີຍ ທີ່ທາງພະແນກ ໄປສະນີ,ໂທລະຄົມມະນາຄົມ ແລະ ການສື່ສານແຂວງສາລະວັນ, ໄດ້ມາເຜີຍແຜ່ເຊື່ອມຊຶມ ບົດໂຄງການ ຕ້ານ ແລະ ສະກັດກັ້ນ ການນຳໃຊ້ສື່ສັງຄົມອອນລາຍ ໃຫ້ພະນັກງານການນຳ,ວິຊາການຂັ້ນເມືອງ,ເຍົາວະຊົນ ແລະໄວໜຸ່ມ. ໃດ້ຮັບຮູ້ ແລະ ເຂົ້າໃຈເຖິງຜົນດີ ແລະ ຜົນກະທົບ, ມີສະຕິໃນການນຳໃຊ້ສື່ສັງຄົມອອນລາຍ,ນຳໃຊ້ໃຫ້ເກີດປະໂຫຍດ ແກ່ຕົນເອງ ແລະ ປະເທດຊາດ ກໍ່ຄືອົງການຈັດຕັ້ງ ພັກ-ລັດ.

ກອງປະຊຸມ ຮັບສະມາຊິກພັກ ສົມບູນໃໝ່ ແລະ ເຜີຍແຜ່ເຊື່ອມຊືມ ເອກະສານທີ່ສໍາຄັນຂອງພັກ ຂອງຊາດ

ໃນຕອນເຊົ້າຂອງວັນທີ 17 ພຶດສະພາ 2019, ຜ່ານມານີີ້ ໜ່ວຍພັກຮາກຖານພະແນກ ໄປສະນີ,ໂທລະຄົມມະນາຄົມ ແລະ ການສື່ສານ ແຂວງສາລະວັັັັນ ໄດ້ເປີດກອງປະຊຸມ ຮັບສະມາຊິກພັກ ສົມບູນໃໝ່ ແລະ ເຜີຍແຜ່ເຊື່ອມຊືມ ເອກະສານທີ່ສໍາຄັນຂອງພັກ ຂອງຊາດ ທີ່ຫ້ອງປະຊຸມ ລາວໂທລະຄົມມະນາຄົມ,ໃຫ້ກຽດເປັນປະທານ ໂດຍທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ປທສ ແຂວງສາລະວັນ ພ້ອມດ້ວຍ ຄະນະພະແນກ ແລະ ບໍລິສັດ ຂົງເຂດ ປທສ ແຂວງສາລະວັນ ຈຳນວນ 39 ສະຫາຍ,ຍິງ 9 ສະຫາຍ

 ເຊິ່ງໃນກອງປະຊຸມຄັ້ງນີ້ ສະມາຊິກພັກ ສໍາຮອງ ໃດ້ຂື້ນຜ່ານ ບົດສໍາຫຼວດຕົນເອງໄລຍະສໍາຮອງ ແລະ ປະຕິຍານຕົນ ຕໍ່ພິທີຂອງພັກໄລຍະເຂົ້າເປັນ ສະມາຊິກພັກສົມບູນ 3 ທ່ານຄື: 1. ທ່ານ ນາງ ວິໄລຮັກ ແກ້ວໄຊຍະວົງ ຫົວໜ້າຂະແໜງໄປສະນີ, 2. ທ່ານ ນາງ ຄອນສະຫວັນ ເທບພະວົງ ຫົວໜ້າ ຂະແໜງ ບໍລິຫານ, 3. ທ່ານ ນາງ ແກ້ວມຸກດາ ສິນລິດສະໄໝ ພະນັກງານ ບໍລິສັດ ອີທີແອລ .

ຫຼັງຈາກນັ້ນ ໃຫ້ກຽດ ຂື້ນຜ່ານ ມະຕິຕົກລົງຂອງຄະນະພັກຂັ້ນເທີງ ການອະນຸມັດເຂົ້າເປັນ ສະມາຊິກພັກສົມບູນ ໂດຍ ທ່ານ ຄຳໜອນ ແກ້ວປັດຈິດ ຄະນະພັກຮາກຖານ ເລຂາໜ່ວຍພັກ ຮອງພະແນກ ປທສ ແຂວງສາລະວັນ

ສຸດທ້າຍນີ້ ທ່ານຂັນໄຊ ຣັດຖະເຮົ້າ ກໍາມະການພັກແຂວງ ຫົວໜ້າພະແນກ ປທສ ແຂວງສາລະວັນ ກໍ່ໃຫ້ກຽດ ໂອ້ລົມຕໍ່ ສະມາຊິກພັກສົມບູນໃໝ່ ພ້ອມທັງ ສະມາຊິກພັກສົມບູນໃໝ່ ກໍ່ໃດ້ຂື້ນຮັບຄຳໂອວາດຂອງຄະນະພັກຂັ້ນເທິງ

     ວາລະຕໍ່ມາ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ປທສ ແຂວງສາລະວັນໃຫ້ກຽດ ຂື້ນ ຜ່ານ ເອກາສານ ກົດໝາຍລັດຖະບານ ແລະ ມະຕິກອງປະຊຸມ ວຽກງານ ບໍລິຫານລັດ ຄັ້ງທີ 4 ສະໄໝທີ VIII

ວາລະສຸດທ້າຍ ຂອງກອງປະຊຸມ ທ່ານ ຄໍາໜອນ ແກ້ວປັດຈິດ ຄະນະພັກຮາກຖານ ເລຂາໜ່ວຍພັກ ຮອງພະແນກ ໄປສະນີໂທລະຄົມມະນາຄົມ ແລະ ການສື່ສານແຂວງສາລະວັນ ໃຫ້ກຽດ ຜ່ານ ເອກະສານ ລະນຶກວັນສ້າງຕັ້ງ ອົງການກວດກາພັກ-ລັດ ສປປ ລາວ ຄົບຮອບ 73 ປີ (16/02/1982-16/02/2019)

ໂຄງການ ປະສານໃຈ ສາມັກຄີ 3 ອົງການມະຫາຊົນ ຂົງເຂດ ໄປສະນີ ໂທລະຄົມມະນາຄົມ ແລະ ການສື່ສານ

ໃນວັນທີ 21 ມີນາ 2019 ຜ່ານມານີ້ ພະແນກ ປທສ ແຂວງສາລະວັນ ພ້ອມທັງ 3 ອົງການມະຫາຊົນ ພາຍໃນຂົງເຂດໄປສະນີ ໂທລະຄົມມະນາຄົມ ແລະ ການສື່ສານ ໄດ້ລົງເຄື່ອນໄຫວ ວຽກງານຍຸດທະສາດ ທີ່ຕິດພັນກັບວຽກງານສາມສ້າງ ແລະ ວຽກງານກໍ່ສ້າງຮາກຖານການເມືອງ ທີ່ ບ້ານ ອາດອນ, ກຸ່ມໂຈະ ແລະ ບ້ານ ປາຈຸດອນ, ກຸ່ມໂຈະ ເມືອງ ຕະໂອ້ຍ ແຂວງສາລະວັນ

          ເຊິ່ງໃນການລົງເຄື່ອນໄຫວ ພາຍໄຕ້ຫົວຂໍ້ ໂຄງການ ປະສານໃຈ ສາມັກຄີ 3 ອົງການມະຫາຊົນ ຂົງເຂດ ໄປສະນີ ໂທລະຄົມມະນາຄົມ ແລະ ການສື່ສານ  ເພື່ອສືບຕໍ່ຜັນຂະຫຍາຍວຽກງານ 3 ສ້າງ ໃຫ້ຫັນເຂົ້າສູ່ລວງເລິກ, ແນໃສ່ເຮັດໃຫ້ຄຸນນະພາບຊີວິດຂອງປະຊາຊົນຢູ່ເຂດຊົນນະບົດ ໄດ້ຮັບການປັບປຸງນັບມື້ນັບດີຂື້ນ.

ໄດ້ມອບເຄື່ອງວັດສະດຸ ແລະ ອຸປະກອນ ໃນການກໍ່ສ້າງ ຄື:

*
  • ມອບເຄື່ອງວັດສະດຸ ແລະ ອຸປະກອນ ໃນການກໍ່ສ້າງ (ເທຟື້ນ,ອອ້ມຮົ້ວ ແລະ ມົງກອ໋ກນ້ຳ) ໃຫ້ໂຮງຮຽນ ບ້ານ ອາດອນ, ກຸ່ມໂຈະ ເມືອງຕະໂອ້ຍ ມູນຄ່າ: 1,976,000 ກີບ.
*
  • ມອບເຄື່ອງວັດສະດຸ ແລະ ອຸປະກອນ ໃນການກໍ່ສ້າງ (ສ້າງຫ້ອງນ້ຳ-ວິດຖ່າຍ ແລະ ໂຕະວາງອາຫານ)ໃຫ້ໂຮງຮຽນ ບ້ານ ປາຈຸດອນ, ກຸ່ມໂຈະ ເມືອງ ຕະໂອ້ຍ ມູນຄ່າ: 4,271,000 ກີບ.
*
*

ຄະນະພັກຮາກຖານ ພະແນກ ປທສ ແຂວງສາລະວັນ ໄດ້ຈັດກອງປະຊຸມ ເຜີຍແຜ່ເຊື່ອມຊຶມ ມະຕິກອງປະຊຸມ ຄົບຄະນະບໍລິຫານພັກແຂວງ ເປີດກ້ວາງຄັ້ງທີ 9 ສະໄຫມທີ VIII

       ໃນຕອນເຊົ້າຂອງວັນທີ 15 ກຸມພາ 2019 ທີ່ຜ່ານມານີ້ ທີ່ ຫ້ອງປະຊຸມ ລັດວິສາຫະກິດ ລາວໂທລະຄົມມະນາຄົມ ສາຂາແຂວງ , ຄະນະພັກຮາກຖານ ພະແນກ ປທສ ແຂວງສາລະ ວັນໄດ້ຈັດກອງປະຊຸມ ເຜີຍແຜ່ເຊື່ອມຊຶມ ມະຕິກອງປະຊຸມ ຄົບຄະນະບໍລິຫານພັກແຂວງ ເປີດກ້ວາງຄັ້ງທີ 9 ສະໄຫມທີ VIII, ຜັນຂະຫຍາຍເນື້ອໃນເອກະສານວຽກງານກວດກາ ແລະ ຄຳແນະນຳ ຂອງຄະນະຈັດຕັ້ງແຂວງ ກຽ່ວກັບການສ້າງ ໜ່ວຍພັກ ປອດໃສ,ແຂ້ມແຂງ, ໜັກແໜ້ນ ໃຫ້ສະມາຊິກພັກ 04 ໜ່ວຍພັກ ທີ່ຂື້ນກັບຄະນະພັກ ຮາກຖານ, ມີຜູ່ເຂົ້າຮ່ວມທັງໝົດ: 41 ສະຫາຍ, ຍິງ 12 ສະຫາຍ.

ພາຍໃຕ້ການເປັນປະທານຂອງ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ, ເລຂາຄະນະ ພັກ ຫົວໜ້າ ພະແນກ ປທສ ແຂວງສາລະວັນ ເຊິ່ງໃນນັ້ນທ່ານໃດ້ ເນັ້ນໜັກໃຫ້ ສະມາ ຊິກພັກ 04 ໜ່ວຍພັກ ທີ່ຂື້ນກັບຄະນະພັກ ຮາກຖານ ເອົາໃຈໃສ່ ເພີ່ມທະວີກໍາແໜ້ນທິດ ທາງນະໂຍບາຍ ອັນລວມຂອງພັກ-ລັດ ແຕ່ລະໄລຍະ, ກໍາແໜ້ນມະຕິກອງປະຊຸມ ຄົບຄະນະ ບໍລິຫານພັກແຂວງ ເປີດກ້ວາງຄັ້ງທີ 9 ສະໄຫມທີ VIII ຂອງພະແນກ ປທສ, ມີຄວາມຮັບ ຜິດຊອບສູງຕໍ່ໜ້າທີ່ວຽກງານທີ່ໄດ້ຮັບມອບໝາຍ ແລະ ສ້າງຄວາມເຂັ້ມແຂງ ເທື່ອລະກ້າວ.

ອົງການດັດສົມໂທລະຄົມມະນາຄົມ (ກະຊວງປທສ)ໄດ້ລົງເຄື່ອນໄຫວ ເກັບກຳຂໍ້ມູນ ນຳບໍລິສັດ ລັດວິສາຫະກິດຜູ້ໃຫ້ບໍລິການທາງດ້ານໂທລະຄົມມະນາຄົມ ສາຂາ ແຂວງ ສາລະວັນ

ໃນວັນທີ 21 ມັງກອນ 2019 ທີ່ຜ່ານມານີ້, ອົງການດັດສົມໂທລະຄົມມະນາຄົມ (ກະຊວງ ປທສ) ໃຫ້ກຽດຊີ້ນຳລວມ ໂດຍທ່ານ ພິສິດໄພ ກອກມິລາ  ຮອງຫົວໜ້າ ອົງການດັດສົມໂທລະຄົມມະນາຄົມ ພ້ອມຄະນະຮັບຜິດຊອບ 6 ທ່ານ, ໄດ້ສົມທົບກັບ  ພະແນກ ປທສ ແຂວງສາລະວັນ

ລົງເຄື່ອນໄຫວເກັບກຳຂໍ້ມູນກຽ່ວກັບສະພາບການຈັດການສົ່ງເສີມການຂາຍ-ລາຄາການຂາຍຂອງແຕ່ລະປະເພດ ການບໍລິການດ້ານໂທລະຄົມ-ອິນເຕີເນັດ,ການອະນຸຍາດດຳເນີນທຸລະກິດ ໂທລະຄົມ, ການຕິດຕັ້ງພື້ນຖານໂຄງລ່າງໂທລະຄົມມະນາຄົມ ທຸກປະເພດ, ເກັບກຳຂໍ້ມູນຕົວແທນຈຳໜ່າຍເລກໝາຍໂທລະສັບ ແລະ ການນຳໃຊ້ເລກໝາຍໂທລະສັບທຸກປະເພດ .

ນຳບັນດາ ບໍລິສັດລັດວິສາຫະກິດ ຜູ້ໃຫ້ບໍລິການທາງດ້ານໂທລະຄົມມະນາຄົມ ສາຂາແຂວງ ສາລະວັນ ແລະ ໄດ້ລົງເຄື່ອນໄຫວ ເກັບກຳຂໍ້ມູນນຳນັກສຶກສາ 70 ທ່ານ ທີ່ວິທະຍາໄລຄູ ແຂວງສາລະວັນ.

ອ່ວຍພອນສົ່ງທ້າຍປີເກົ່າ ຕອ້ນຮັບປີໃໝ່ 2019 ແດ່ຄະນະນຳ ພະແນກ ປທສ ແຂວງ ສາລະວັນ

ເນື່ອງໃນໂອກາດ ສົ່ງທ້າຍປີເກົ່າ ຕ້ອນຮັບປີໃໝ່ 2019 ທີ່ຜ່ານມານີ້, ບັນດາພະນັກງານຫຼັກແຫຼ່ງພະແນກ ປທສ ແຂວງສາລະວັນ, ໃດ້ເຂົ້າອອ່ຍພອນປີໃໝ່ ແດ່ ທ່ານຄະນະນຳຂອງພະແນກ ປທສ ແຂວງສາລະວັນ

ໂດຍມີທ່ານ ທ່ານ ຂັນໄຊ ຣັດຖະເຮົ້າ ຫົວໜ້າພະແນກ ປທສ ແຂວງ , ທ່ານ ຄຳໝອນ ແກ້ວປັດຈິດ ຮອງຫົວໜ້າພະແນກ ປທສ ແຂວງ, ທ່ານ ສົມຄິດ ແສນທະວີ ຮອງຫົວໜ້າພະແນກ ປທສ ແຂວງ ແລະ ທ່ານ ກັດສະປະ ວຸດທິຈັນທະເດດ ຫົວໜ້າ ໄປສະນີ ສາຂາແຂວງສາລະວັນ.

ເຊິ່ງໃນນັ້ນ ທ່ານ ຂັນໄຊ ຣັດຖະເຮົ້າ ຫົວໜ້າພະແນກ ປທສ ແຂວງ ໃຫ້ກຽດຕາງໜ້າຄະນະນຳທຸກທ່ານ ກ່າວຄຳໂອ້ລົມ,ຍ້ອງຍໍ ແລະ ກ່າວຂອບໃຈ ແກ່ບັນດາພະນັກງານຫຼັກແຫຼ່ງ ທີ່ມີຜົນງານໃນການປະຕິບັດໜ້າທີ່ວຽກງານໃນປີຜ່ານມາ ແລະໃຫ້ທິດຊີ້ນຳ ໃນປີຕໍ່ໃປໃຫ້ດີຂື້ນເລື້ອຍໆ.

ກອງປະຊຸມສຳມະນາເຜີຍແຜ່ນິຕິກຳກຽ່ວກັບການຮັກສາຄວາມປອດໄພທາງໄຊເບີ ແລະ ການນຳໃຊ້ສື່ສັງຄົມອອນລາຍ

ໃນຄັ້ງວັນທີ 10 ມັງກອນ 2019 ທີ່ຜ່ານມານີ້, ທ່ານ ຄຳໜອນ ແກ້ວປັດຈິດ ຮອງຫົວໜ້າພະແນກ ປທສ ແຂວງສາລະວັນ ພ້ອມດ້ວຍຄະນະ ທ່ານ ດຳສະອາດ ນະແກ້ງສິມ ຫົວໜ້າ ຂະແໜງໂທລະຄົມມະນາຄົມ ໃດ້ເຂົ້າຮ່ວມ ກອງປະຊຸມ ສຳມະນາເຜີຍແຜ່ນິຕິກຳກຽ່ວກັບການຮັກສາຄວາມປອດໄພທາງໄຊເບີ ແລະ ການນຳໃຊ້ສື່ສັງຄົມອອນລາຍ.

          ກອງປະຊຸມຄັ້ງນີ້ຈັດໂດຍ ສູນລາວເຊີດ ທີ່ ນະຄອນປາກເຊ ແຂວງຈຳປາສັກ , ມີບັນດາພະແນກ ປທສ 4 ແຂວງພາກໃຕ້ເຂົ້າຮ່ວມ (ສາລະວັນ,ຈຳປາສັກ,ເຊກອງ ແລະ ອັດຕະປື) ພ້ອມດ້ວຍພະນັກງານວິຊາການອອ້ມຂ້າງ ນະຄອນປາກເຊເຂົ້າຮ່ວມ.

          ໃຫ້ກຽດເປັນປະທານ ໂດຍທ່ານ ຄຳຫຼ້າ ສູນນະລັດ ຫົວໜ້າ ສູນລາວເຊີດ.