Uncategorized

ພິທີ ມອບ-ຮັບໜ້າທີ່ ຫົວໜ້າພະແນກ ປທສ ຜູ່ເກົ່າ ແລະ ຮັກສາການ ຫົວໜ້າ ພະແນກ ຜູ່ໃໝ່

ໃນວັນທີ 26 ທັນວາ 2019 ຜ່ານມານີ້, ພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນແຂວງສາລະວັນ ໄດ້ຈັດພິທີ ມອບ-ຮັບໜ້າທີ່ ຫົວໜ້າພະແນກ ຜູ່ເກົ່າ ແລະ ຮັກສາການ ຫົວໜ້າ ພະແນກ ຜູ່ໃໝ່ ຂຶ້ນຢ່າງເປັນທາງການ ລະຫວ່າງ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ່ເກົ່າ ແລະ ທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ່ໃໝ່ ຈັດຂຶ້ນຢູ່ທີ່ຫ້ອງປະຊຸມຂອງບໍລິສັດ ລາວໂທລະຄົມ ມະນາຄົມ ມະຫາຊົນ ສາຂາ ແຂວງສາລະວັນ, ເປັນກຽດເຂົ້າຮ່ວມ ເປັນປະທານ ໂດຍທ່ານ ວິຊຽນ ນະວິກຸນ ຄະນະປະຈໍາພັກແຂວງ, ຮອງເຈົ້າແຂວງສາລະວັນ, ມີການນຳແຂວງ, ຫົວໜ້າ-ຮອງພະແນກການ ແລະ ພາກສ່ວນບໍລິສັດຂົງເຂດ ພະແນກ ປທສ ທີ່ກ່ຽວຂ້ອງເຂົ້າຮ່ວມ.


ໂດຍປະຕິບັດຕາມຂໍ້ຕົກລົງ ຂອງທ່ານເຈົ້າແຂວງສາລະວັນ ສະບັບເລກທີ764/ຈຂ.ສວ, ລົງວັນທີ 4 ທັນວາ 2019 ວ່າດ້ວຍການຍົກຍ້າຍ ທ່ານ ຂັນໄຊ ຣັດຖະເຮົ້າ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນ ໄປປະຈໍາການ ແລະ ຮັບໜ້າທີ່ຢູ່ບ່ອນໃໝ່ ແລະ ຂໍ້ຕົກລົງ ຂອງທ່ານເຈົ້າແຂວງສາລະວັນ ສະບັບເລກທີ 766/ຈຂ.ສວ, ລົງວັນທີ 4 ທັນວາ 2019 ວ່າດ້ວຍການຕົກລົງແຕ່ງຕັ້ງ ທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກ ໄປສະນີ, ໂທລະຄົມມະນາ ຄົມ ແລະ ການສື່ສານແຂວງສາລະວັນ ຜູ່ໃໝ່, ເວລາດຽວກັນນັ້ນທ່ານ ຂັນໄຊ ຣັດຖະເຮົ້າ ກໍໄດ້ຂຶ້ນກ່າວມອບໜ້າທີ່ວຽກງານໃນແຕ່ລະດ້ານ ໃນໄລຍະຜ່ານມາທີ່ໄດ້ຊີ້ນໍາໆພາມີທັງດ້ານດີ, ດ້ານອ່ອນ, ຂໍ້ຄົງຄ້າງ ແລະ ແຜນສືບຕໍ່ປະຕິບັດໃນຕໍ່ໜ້າ ພ້ອມດຽວກັນ ທ່ານ ສົມຄິດ ແສນທະວີ ກໍໄດ້ຂຶ້ນກ່າວຮັບໜ້າທີ່ຢ່າງເປັນທາງການ.


     ຈາກນັ້ນກໍ່ໄດ້ມີການເຊັນບົດບັນທຶກ ມອບ-ຮັບໜ້າທີ່ຢ່າງເປັນທາງການ ລະຫວ່າງ ທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນ ຜູ້ເກົ່າ ກັບທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ່ໃໝ່ ໂດຍຊ້ອງໜ້າທ່ານ ວິຊຽນ ນະວິກຸນ , ຄະນະປະຈໍາພັກແຂວງ ຮອງເຈົ້າແຂວງສາລະວັນ, ມີບັນດາການນໍາຈາກພະແນກການອ້ອມຂ້າງ ແລະ ພາກສ່ວນ ບໍລິສັດ ຂົງເຂດ ພະແນກ ໄປສະນີ,ໂທລະຄົມມະນາຄົມ ແລະ ການສື່ສານ ເຂົ້າຮ່ວມເປັນສັກຂີພິຍານ.

ກອງປະຊຸມ ເຜີຍແຜ່ເຊື່ອມຊຶມ ຄຳແນະນຳ ກຽ່ວກັບການສະຫຼຸບຕີລາຄາ ການຈັດຕັ້ງປະຕິບັດ ກົດລະບຽບພັກ ສະໄໝທີ X ທົ່ວຄະນະພັກຮາກຖານ ພະແນກ ປທສ ແຂວງສາລະວັນ

ໃນຕອນເຊົ້້າ ວັນທີ 05/11/2019, ເວລາ 8:30 ໂມງ ທີ່ຫ້ອງປະຊຸມ ລາວໂທລະຄົມມະນາຄົມ ໄດ້ຈັດກອງປະຊຸມ ເຜີຍແຜ່ເຊື່ອມຊຶມ ຄຳແນະນຳ ກຽ່ວກັບການສະຫຼຸບຕີລາຄາ ການຈັດຕັ້ງປະຕິບັດ ກົດລະບຽບພັກ ສະໄໝທີ X ທົ່ວຄະນະພັກຮາກຖານ ພະແນກ ປທສ ແຂວງສາລະວັນ ເປັນປະທານ ໂດຍທ່ານ ຂັນໄຊ ຣັດຖະເຮົ້າ ກຳມະການພັກແຂວງ, ເລຂາຄະນະພັກ,ຫົວໜ້າພະແນກ ປທສ ແຂວງສາລະວັນ ມີບັນດາສະຫາຍໃນຄະນະພັກຮາກຖານ ສະຫາຍໃນຄະນະໜ່ວຍພັກ ທີ່ຂື້ນກັບຄະນະພັກຮາກຖານ ພະແນກ ປທສ ແຂວງ ແລະ ສະມາຊິກພັກສຳຮອງ ແລະ ສົມບູນ ກໍ່ໃຫ້ກຽດເຂົ້າຮ່ວມກອງປະຊຸມຄັ້ງນີ້ ທັງໝົດ 26 ສະຫາຍ,ຍິງ 3 ສະຫາຍ.

      ເຊິ່ງຈຸດປະສົງກອງປະຊຸມໃນຄັ້ງນີ້ ແມ່ນເພື່ອ ເຊື່ອມຊືມ ຄໍາແນະນໍາ ສະບັບເລກທີ 13/ອກ.ບຄ ລົງວັນທີ 29 ຕຸລາ 2019 ວ່າດ້ວຍ: ກຽ່ວກັບການສະຫຼຸບຕີລາຄາ ການຈັດຕັ້ງປະຕິບັດ ກົດລະບຽບພັກ ສະໄໝທີ X ໃນທົ່ວອົງຄະນະພັກຕົນ, ໃຫ້ກຽດ ເຜີຍແຜ່ ເອກະສານ ໂດຍ ທ່ານ ຂັນຊັນ ຣັດຖະເຮົ້າ ກຳມະການພັກແຂວງ, ເລຂາຄະນະພັກ,ຫົວໜ້າພະແນກ ປທສ ແຂວງສາລະວັນ,  ຫຼັງຈາກນັ້ນ ແຕ່ລະສະຫາຍ ກໍ່ໄດ້ປະກອບຄຳຄິດເຫັນ ທາງດ້ານເນື້ອໃນ ໃສ່ກົດລະບຽບພັກ ສະໃໝທີ X ເພື່ອໃຫ້ມີເນື້ອໃນຖືກຕ້ອງ,ຄົບຖ້ວນ,ຮັດກຸມ ແລະ ສອ່ງແສງເຖິງ ສະພາວະຄວາມເປັນຈິງ ດ້ານການຈັດຕັ້ງ ແລະ ການເຄື່ອນໄຫວ ຂອງລະບົບການຈັດຕັ້ງພັກ ແລະ ສະມາຊິກພັກ ໃນເງື່ອນໄຂໃໝ່ ເພື່ອລາຍງານ ໃຫ້ຄະນະຮັບຜິດຊອບສະຫຼຸບ-ສັງລວມການຈັດຕັ້ງປະຕິບັດ ກົດລະບຽບພັກ ແລະ ເພື່ອປະກອບໃສ່ ກົດລະບຽບພັກສະໃໝທີ XΙ.

       ກອງປະຊຸມໄດ້ດຳເນີນເປັນເວລາໜື່ງຄາບ ແລະ ປິດລົງຢ່າງມີຜົນສຳເລັດ ຕາມລະດັບຄາດໝາຍ ທີ່ວາງໄວ້.

ການປຶກສາຫາລື ກ່ຽວກັບ ການສຳຫຼວດ ຕິດຕັ້ງເສົາສັນຍານ 4G ຂອງບໍລິສັດ ອີທີແອວ ຈໍາກັດ

ໃນວັນທີ 19 ພະຈິກ 2019 ເວລາ 14:00 ໂມງ ,ທີ່ ຫ້ອງການປົກຄອງ ບ້ານຂົວເສັດ ເມືອງເລົ່າງາມ ແຂວງສາລະວັນ,ໄດ້ມີການປຶກສາຫາລື ລະຫວ່າງ ທີມງານທີ່ຖືກຕົກລົງແຕ່ງຕັ້ງ ທີ່ມາຈາກພາກສ່ວນຄື: ພະແນກ ປທສ ,ພະແນກ ຖະແຫຼງຂ່າວ ວັດທະນະທໍາ ທ່ອງທຽ່ວ,ພະແນກຊັບພະຍາກອນທຳມະຊາດ,ຫ້ອງວ່າການ ແຂວງ,ຫ້ອງວ່າການເມືອງເລົ່າງາມ ກັບຄະນະນໍາຂອງບ້ານ ຂົວເສັດ ພ້ອມດ້ວຍ ອົງການຈັດຕັ້ງບ້ານທຸກພາກສ່ວນ ເຂົ້າຮ່ວມທັງໝົດ ຈຳນວນ 11 ຄົນ,ຍິງ 1 ຄົນ, ພາຍໄຕ້ການເປັນປະທານ ຂອງທ່ານ ສົມຄິດ ແສນທະວີ ຮອງ ຫົວໜ້າພະແນກ ປທສ ແຂວງສາລະວັນ.     

ທີມງານທີ່ຖືກແຕ່ງຕັ້ງຈາກແຂວງ ກໍ່ໄດ້ສະເໜີ ແລະ ແຈ້ງຈຸດປະສົງຕ່າງໆ ທີ່ລົງມາສົມທົບ ພົວພັນ ເພື່ອເກັບກຳຂໍ້ມູນ ຈຸດທີ່ຕັ້ງ ເສົາສັນຍານໂທລະສັບ ໃຫ້ບໍລິສັດ ອີທີແອວ (ETL) ແລະ ທັງຍົກໃຫ້ເຫັນ ນະໂຍບາຍຕ່າງໆ ທາງພາກລັດ ທີ່ມີຕໍ່ບໍລິສັດ ແລະ ຕໍ່ພໍ່ແມ່ປະຊາຊົນ ເພື່ອເຮັດໃຫ້ບໍລິສັດໄດ້ມີເງື່ອນໄຂ ຂະຫຍາຍສັນຍານໃຫ້ກວ້າງຂວາງ ແລະ ທັນສະໃໝ ວ່ອງໄວ ໃນການນຳໃຊ້ ໃຫ້ທຽບເທົ່າກັບພາກພື້ນ ແລະ ສາກົນ ເພື່ອຕອບສະໜອງໃຫ້ແກ່ ເຂດຈຸດສຸມ,ນັກທ່ອງທຽ່ວ ແລະ ປະຊາຊົນ ໃນເຂດ ດັ່ງກ່າວໄດ້ນໍາໃຊ້ ຢ່າງສະດວກສະບາຍ.

ຫຼັງຈາກນັ້ນ, ທີມງານຈາກແຂວງ ຮ່ວມກັບອຳນາດ ການປົກຄອງບ້ານ ແລະ ຜູ້ຕາງໜ້າຈາກເມືອງ ໄດ້ພ້ອມກັນລົງສຳຫຼວດກວດກາ ເບິ່ງເນື້ອທີ່ ທີ່ຈະຕິດຕັ້ງ ເສົາສັນຍານ ໂທລະສັບມືຖື 4G ຂອງບໍລິສັດ ອີທີແອວ (ETL) ແລະ ຕົກລົງເປັນເອກະພາບ ກຳນົດ ເນື້ອທີ່ ຂອບເຂດ ຈຸດພິກັດ ທີ່ຈະໄດ້ດຳເນີນ ການຕິດຕັ້ງ ເພື່ອເປັນບ່ອນອີງ ໃນການດຳເນີນໃຫ້ຖືກຕ້ອງໃນຂັ້ນຕໍ່ໄປ.

ກອງປະຊຸມ ດ້ານວິຊາການ ທາງດ້ານ ໂທລະຄົມມະນາຄົມ

ໃນຕອນບ່າຍ ເວລາ 14:00 ໂມງ ຂອງວັນທີ 25/11/2019, ສະຖານທີ່ ຫ້ອງປະຊຸມ ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ, ໄດ້ຈັດກອງປະຊຸມ ທາງດ້ານວິຊາການ ພາຍໃຕ້ການເປັນປະທານ ຂອງທ່ານ ຂັນໄຊ ຣັດຖະເຮົ້າ ກຳມະການພັກແຂວງ ຫົວໜ້າພະແນກ ປທສ ແຂວງສາລະວັນ ,ມີຮອງຫົວໜ້າພະແນກ ,ຫົວໜ້າຂະແໜງ ພ້ອມດ້ວຍ ວິຊາການ, ຫົວໜ້າ ຫ້ອງການ ປທສ ເມືອງສາລະວັນ ແລະ ຫົວໜ້າ ບໍລິສັດທີ່ໃຫ້ບໍລິການ ໂທລະຄົມມະນາຄົມ ເຂົ້າຮ່ວມ ທັງໝົດ 11 ທ່ານ, ຍິງ 1 ທ່ານ.

ເຊິ່ງກອງປະຊຸມຄັ້ງນີ້ ໃຫ້ກຽດ ນຳສະເໜີ ຈຸດປະສົງ ຂອງກອງປະຊຸມ ໂດຍ ທ່ານ ສົມຄິດ ແສນທະວີ ຮອງ ຫົວໜ້າ ພະແນກ ປທສ ແຂວງສາລະວັນ ເຊິ່ງມີເນື້ອໃນ ເອກະສານຄື:

1. ຂໍ້ຕົກລົງ 209/ປທສ ວ່າດ້ວຍ ການຕິດຕັ້ງ ສະຖານີຮັບ-ສົ່ງສັນຍານໂທລະສັບເຄື່ອນທີ່,

2.ນໍາສະເໜີ ຂໍ້ຕົກລົງ 2403/ປທສ ວ່າດ້ວຍ ການຂື້ນທະບຽນເລກໝາຍໂທລະສັບ ແລະ ຂັ້ນຕອນການນຳໃຊ້ໂປຣແກຣມ 3 ແກັບ ໃນການລົງທະບຽນເລກໝາຍໂທລະສັບ, ໃຫ້ກຽດ ຜ່ານເອກະສານ ໂດຍ ທ່ານ ດຳສະອາດ ນະແກ້ງສິມ ຫົວໜ້າ ຂະແໜງໂທລະຄົມມະນາຄົມ

3. ສະເໜີ ຜ່ານຂໍ້ຕົກລົງກຽ່ວກັບວຽກງານສະຖິຕິ ທາງດ້ານໂທລະຄົມມະນາຄົມ ສະບັບເລກທີ 714/ປທສ ໃຫ້ແກ່ ບັນດາບໍລິສັດ ທີ່ໃຫ້ບໍລິການ ໂທລະຄົມມະນາຄົມ ແລະ ການເກັບກຳຂໍ້ມູນ ບັນດາຫ້າງຮ້ານ ທີ່ບໍລິການສ້ອມແປງ ແລະ ຈຳໜ່າຍ ອຸປະກອນທາງດ້ານ ໂທລະຄົມມະນາຄົມ ພ້ອມທັງການລາຍງານ ຂອງຫ້ອງການ ປທສ ປະຈຳເມືອງສາລະວັນ. ໃຫ້ກຽດ ຜ່ານເອກະສານ ໂດຍ ທ່ານ ສຸກສະຫວັນ ໂພທິລາດ ຫົວໜ້າ ຂະແໜງ ແຜນການ-ການເງິນ

ຜ່ານການສະເໜີ ແລະ ປະກອບຄໍຳຄິດຄໍາເຫັນໃນກອງປະຊຸມ ທ່ານປະທານ ກໍ່ໄດ້ຊີ້ນໍາຕື່ມໃນຂອດປະສານງານ ລະຫວ່າງ ບໍລິສັດກັບພະແນກ ຍັງຕ້ອງໄດ້ຖອດຖອນບົດຮຽນຮ່ວມກັນໃນການສະໜອງຂໍ້ມູນສະຖິຕິ ແລະ ສະ ເໜີໃຫ້ທາງບໍລິສັດ ປະຕິບັດລະບຽບ ແລະ ນິຕິກຳ ທີ່ທາງກະຊວງໄດ້ວ່າງອອກຢ່າງເຂັມງວດ. ພ້ອມດຽວກັນນັ້ນກໍ່ໄດ້ຊີ້ນຳໃຫ້ ຫົວໜ້າຫ້ອງການ ປທສ ເມືອງສາລະວັນ ຕ້ອງໄດ້ລົງເກັບກຳຂໍ້ມູນຕົວຈິງຂອງຫ້າງຮ້ານ ທີ່ໃຫ້ບໍລິການທາງດ້ານ ໂທລະຄົມມະນາຄົມ ເພື່ອເປັນຂໍ້ມູນໃນການຈັດຕັ້ງປະຕິບັດ ໃນສົກປີຕໍ່ໄປ.

ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ 3

ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ, ຮ່ວມກັບ ຄະນະໂຄສະນາອົບຮົມແຂວງ, ພະແນກ ຖະແຫຼ່ງຂ່າວ ວັດທະນາທຳ ແລະ ທ່ອງທ່ຽວ , ພະແນກ ກວດກາ ແລະ ຄວບຄຸມຢາເສບຕິດ ປກສ ແຂວງ, ພະແນກ ຈະລາຈອນ ແຂວງສາລະວັນ,ເຄື່ອນໄຫວ ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ 3 ສຳເລັດ 2 ເມືອງ 3 ຈຸດ ຄື:

– ວັນທີ 5/11/219 ເຄື່ອນໄຫວຢູ່ ເມືອງເລົ່າງາມ ມີຜູ້ເຂົ້າຮ່ວມທັງໝົດ 532 ຄົນ/ ຍິງ281 ຄົນ ສະມາຊິກພັກ 177ສະຫາຍ,ຍິງ 93 ສະຫາຍ.

– ວັນທີ 14/11/2019 ຕອນເຊົ້າຢູ່ທີ່ ມ.ສ ຫ້ວຍໂຄນ ເມືອງວາປີ , ຕອນບ່າຍ ຢູ່ທີ່ ສະໂມສອນ ເມືອງວາປີ ,ຈຳນວນພົນ ເຂົ້າຮ່ວມທັງໝົດຕອນເຊົ້າ ແລະ ຕອນບ່າຍ ມີຈຳນວນພົນເຂົ້າຮ່ວມທັງໝົດ 1.182 ຄົນ, 628 ຄົນ. ສະມາຊິກພັກ 139 ສະຫາຍ, ຍິງ 65 ສະຫາຍ. ໃນນັ້ນຄູອາຈານ ແລະ ນັກຮຽນ 982 ຄົນ, ຍິງ 556 ຄົນ.

ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ2

ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ, ຮ່ວມກັບ ຄະນະໂຄສະນາອົບຮົມແຂວງ, ພະແນກ ຖະແຫຼ່ງຂ່າວ ວັດທະນາທຳ ແລະ ທ່ອງທ່ຽວ , ພະແນກ ກວດກາ ແລະ ຄວບຄຸມຢາເສບຕິດ ປກສ ແຂວງ, ພະແນກ ຈະລາຈອນ ແຂວງສາລະວັນ,ເຄື່ອນໄຫວ ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຄັ້ງທີ2 ແຕ່ວັນທີ 28-30 ຕຸລາ 2019, 3 ເມືອງຄື: ເມືອງຕຸ້ມລານ, ເມືອງຕະໂອ້ຍ ແລະ ເມືອງສະໝ້ວຍ,ເປັນປະທານກອງປະຊຸມ ໂດຍທ່ານ ສີເຮັງ ຫອມສົມບັດ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ທ່ານຂັນໄຊ ຣັດຖະເຮົ້າ ຫົວໜ້າພະແນກ ໄປສະນີ ໂທລະຄົມມະນາຄົມ ແລະ ມີບັນດາທ່ານຕາງໜ້າພະແນກການທີ່ກ່ຽວຂ້ອງ, ຄະນະອໍານວຍການໂຮງຮຽນ ພ້ອມດ້ວຍອົງການຈັດຕັ້ງມະຫາຊົນ, ຄູອາຈານ ແລະ ນັກຮຽນເຂົ້າຮ່ວມ ,

ການຈັດຕັ້ງໂຄສະນາເຜີຍແຜ່ການນໍາໃຊ້ສື່ສັງຄົມອອນລາຍໃຫ້ຖືກຕ້ອງໃນ 3 ເມືອງ ເຊິ່ງມີຈໍານວນພົນເຂົ້າຮ່ວມທັງໝົດ 887 ຄົນ, ຍິງ 355ຄົນ, ສະມາພັກ 173ສະຫາຍ, 47 ສະຫາຍ ,ໃນນັ້ນຄະນະນໍາ, ພະນັກງານຫຼັກແຫຼ່ງແກ່ນສານຂອງເມືອງ, ສະມາຊິກພັກ-ພະນັກງານລັດຖະກອນ ຂອງເມືອງ 159ສະຫາຍ, ຍິງ 16 ສະຫາຍ, ເລຂາພັກ-ນາຍບບ້ານເທດສະບານເມືອງ 9ສະຫາຍ, ຍິງ 1 ສະຫາຍ ແລະ ນ້ອງໆ ນັກຮຽນທັງໝົດ 604 ຄົນ, ຍິ່ງ 268 ຄົນ.

ກອງປະຊຸມ ເປີດຊຸດຝຶກອົບຮົມ ການນຳນົດຕຳແໜ່ງງານ ແລະ ການປະເມີນຜົນ ຊຸດທີ ΙΙ

ກອງປະຊຸມ ເປີດຊຸດຝຶກອົບຮົມ ການນຳນົດຕຳແໜ່ງງານ ແລະ ການປະເມີນຜົນ ຊຸດທີ ΙΙ ວັນທີ 15-16 ຕຸລາ 2019 ຈັດຂື້້ນໂດຍ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ, ທີ່ ສະຖາບັນ ເຕັກໂນໂລຊີ ການສື່ສານ ຂໍ້ມູນຂ່າວສານ ໃຫ້ກຽດເປັນປະທານ ໂດຍທ່ານ ຈັນທະວີພອນ ເຄືອບຄຳວອນ ຮອງຫົວໜ້າກົມຈັດຕັ້ງ ພະນັກງານ ມີຜູ້ເຂົ້າຮ່ວມມາຈາກ 9 ແຂວງ ພາກໄຕ້ ແລະ ພາກກາງ(ແຂວງ ອັດຕະປື, ເຊກອງ, ສາລະວັນ, ຈຳປາສັກ, ສະຫວັນນະເຂດ, ຄຳມ່ວນ, ໄຊສົມບູນ, ຫຼວງພະບາງ ແລະ ຊຽງຂວາງ).ເຂົ້າຮ່ວມທັງໝົດ 40 ທ່ານ, ຍິງ 14 ທ່ານ.

          ເຊິ່ງການຝຶກອົບຮົມໃນຄັ້ງນີ້ ແມ່ນໄດ້ເຝິກອົບຮົມຢູ່ 2 ເອກະສານຫຼັກໆ ຄື:  ການນຳນົດຕຳແໜ່ງງານ ແລະ ວຽກງານ ນະໂຍບາຍ ແລະ ບຳນານ ໄດ້ເຜີຍແຜ່ ໃຫ້ພະນັກງານ ທຸກພາກສ່ວນທີ່ເຂົ້າຮ່ວມ ໄດ້ເຂົ້າໃຈ ໂດຍນັກວິທະຍາກອນ ຈາກກະຊວງ ປທສ ອະທິບາຍຊີ້ແຈງ ແຕ່ລະຂັ້ນຕອນ ຂອງການ ກຳນົດຕຳແໜ່ງງານຢ່າງລະອຽດ ເພື່ອຄວາມເປັນເອກະພາບ ທາງດ້ານຫຼັກການ ແລະ ຮັບປະກັນໃຫ້ແກ່ການ ກຳນົດຕຳແໜ່ງງານ ຖືກຕ້ອງໃນພາກປະຕິບັດຕົວຈິງ ພ້ອມທັງເຂົ້າໃຈ ຕໍ່ກັບ ລະບຽບ ນະໂຍບາຍ ທີ່ມີຕໍ່ພະນັກງານ ທີ່ຈະເຂົ້າບຳນານ ຢ່າງຈະແຈ້ງ .

ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຂອງນັກຮຽນ-ນັກສຶກສາ ພາຍໃນ ຂອບເຂດ ເທສະບານ ເມືອງສາລະວັນ

​ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ, ຮ່ວມກັບ ຄະນະໂຄສະນາອົບຮົມແຂວງ, ພະແນກ ຖະແຫຼ່ງຂ່າວ ວັດທະນາທຳ ແລະ ທ່ອງທ່ຽວ , ພະແນກ ກວດກາ ແລະ ຄວບຄຸມຢາເສບຕິດ ປກສ ແຂວງ, ພະແນກ ຈະລາຈອນ ແຂວງສາລະວັນ,

ເຄື່ອນໄຫວ ເຜີຍແຜ່ ການນຳໃຊ້ ສື່ສັງຄົມອອນລາຍ ໃຫ້ໄປໃນທາງ ທີ່ສ້າງສັນ ແລະ ເກີດປະໂຫຍດຕໍ່ຜູ່ຊົມໃຊ້, ສັງຄົມ ແລະ ຫັນເຂົ້າສູ່ລະບຽບຫຼັກການ ຂອງນັກຮຽນ-ນັກສຶກສາ ພາຍໃນ ຂອບເຂດ ເທສະບານ ເມືອງສາລະວັນ ຈຳນວນ 6 ຈຸດ ແຕ່ວັນທີ 24-26 ກັນຍາ 2019 ມີໂຮງຮຽນຄື: ໂຮງຮຽນ ມສ ສາລະວັນ, ມສ ອົງແກ້ວ, ມສ ດ່ານ, ມສ ນາຂ້ອຍສາວ ແລະ ໂຮງຮຽນເຕັກ ວິຊາຊີບແບບປະສົມ ແຂວງສາລະວັນ,

ເປັນປະທານກອງປະຊຸມ ໂດຍທ່ານ ສີເຮັງ ຫອມສົມບັດ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ມີບັນດາທ່ານຕາງໜ້າພະແນກການທີ່ກ່ຽວຂ້ອງ, ຄະນະອໍານວຍການໂຮງຮຽນ ພ້ອມດ້ວຍອົງການຈັດຕັ້ງມະຫາຊົນ, ຄູອາຈານ ແລະ ນັກຮຽນເຂົ້າຮ່ວມ , ເຊິ່ງໃນການເຄື່ອນໄຫວຄັ້ງນີ້ ມີນັກຮຽນນັກສືກສາເຂົ້າຮ່ວມຮັບຟັງ ທັງໝົດ 4236 ຄົນ,ຍິງ 1816 ຄົນ.

ກອງປະຊຸມໃຫ່ຍຄັ້ງທີ I ຂອງໜ່ວຍພັກ ພະແນກ ປທສ ແຂວງສາລະວັນ

ກອງປະຊຸມໃຫ່ຍຄັ້ງທີ I ຂອງໜ່ວຍພັກ ພະແນກ ປທສ ແຂວງສາລະວັນ ໄດ້ໄຂຂື້ນໃນຕອນເຊົ້າ ວັນທີ20/09/2019, ທີ່ຫ້ອງປະຊຸມ ບໍລິສັດ ລາວໂທລະຄົມມະນາຄົມ ມະຫາຊົນ ສາຂາແຂວງສາລະວັນ, ພາຍໄຕ້ການເປັນປະທານ ຂອງ ສະຫາຍ ຄຳໝອນ ແກ້ວປັດຈິດ ເລຂາໜ່ວຍພັກ ພະແນກ ປທສ ແຂວງສາລະວັນ,  ເປັນກຽດເຂົ້າຮ່ວມ ຂອງ ສະຫາຍ ຂັນໄຊ ຣັດຖະເຮົ້າ ກຳມະການພັກແຂວງ, ເລຂາຄະນະພັກ ພະແນກ ປທສ ແຂວງສາລະວັນ, ນອກນັ້ນ ຍັງມີບັນດາ ຄະນະພັກ, ບັນດາສະຫາຍຜູ່ແທນ ແລະ ໜ່ວຍພັກ ອ້ອມຂ້າງ ທົ່ວຂົງເຂດ ພະແນກ ປທສ ແຂວງສາລະວັນ ເຂົ້າຮ່ວມທັງໝົດ 21 ສະຫາຍ,ຍິງ 5 ສະຫາຍ.

          ຜ່ານກອງປະຊຸມໃຫ່ຍຄັ້ງນີ້ ບັນດາສະຫາຍຜູ່ແທນກອງປະຊຸມ ຕ່າງກໍ່ເປັນເອກະສັນ ຮັບຮອງບັນດາເນື້ອໃນສໍາຄັນຕ່າງໆຂອງກອງປະຊຸມ ແລະ ເປັນເອກະພາບ ຕໍ່ບົດລາຍງານການເມືອງ, ແຜນພັດທະນາ 2020-2024 ໂດຍເນັ້ນໃສ່ ຊຸກຍູ້ ຜູ່ປະກອບການ ໂທລະຄົມມນາະຄົມ ສາຂາແຂວງ, ພັດທະນາເຄືອຂາຍ ໃຫ້ມີຄຸນນະພາບ ແລະ ຂະຫຍາຍຕາໜ່າງ ໄປສະນີ ໂທລະຄົມມະນາຄົມ ໃຫ້ຄວບຄຸມຟື້ນທີ່ຂອງແຂວງຫຼາຍຂື້ນ, ພ້ອມທັງ ມອບທັນທະອາກອນ ເຂົ້າງົບປະມານແຫ່ງລັດຂອງແຂວງເພີ່ມຂື້ນ 10% ແລະ ປະກອບສ່ວນລວມຍອດ ຜະລິດຕະພັນພາຍໃນ (GDP) ຂອງແຂວງ 8% ຕໍ່ປີ.

          ບັນດາຜູ່ແທນກອງປະຊຸມໃຫຍ່ ໄດ້ໃຊ້ສິດປະຊາທິປະໄຕຢ່າງເຕັມສ່ວນຂອງຕົນ ປ່ອນບັດເລືອກຕັ້ງເອົາຄະນະໜ່ວຍພັກຊຸດ I , ມີຜູ່ອອກສະໜັກຮັບເລືອກຕັ້ງ ຈຳນວນ 04 ສະຫາຍ, ຍິ່ງ 1 ສະຫາຍ,  ໃນນັ້ນ ໄດ້ເລືອກເອົາ ສະຫາຍ ຄຳໝອນ ແກ້ວປັດຈິດ ເປັນ ເລຂາໜ່ວຍພັກ, ສະຫາຍ ດຳສະອາດ ນະແກ້ງສິມ ເປັນຮອງເລຂາໜ່ວຍພັກ ແລະ ປະທານກວດກາ ໜ່ວຍພັກພະແນກ ປທສ ແຂວງສາລະວັນ.

ກອງປະຊຸມໃຫຍ່ຂອງໜ່ວຍພັກ ພະແນກ ປທສ ໃນຄັ້ງນີ້ ຍັງໄດ້ຮັບກຽດ ຈາກສະຫາຍ ຂັນໄຊ ຣັດຖະເຮົ້າ ກໍາມະການພັກແຂວງ ເລຂາຄະນະພັກຮາກຖານ ໃຫ້ກຽດມີຄຳເຫັນໂອລົມ, ເຊິ່ງ ສະຫາຍ ໄດ້ຍ້ອງຍໍຊົມເຊີຍ ຕໍ່ຜົນສຳເລັດ ໃນການ ຊີ້ນຳ-ນຳພາຂອງ ຄະນະພັກໜ່ວຍພັກ ຕະຫຼອດຮອດ ສະມາຊິກພັກ, ພະນັກງານ ທີ່ໄດ້ພ້ອມກັນ ຈັດຕັ້ງປະຕິບັດໜ້າທີ່ຂອງຕົນ ສາມາດຍາດເອົາຜົນງານ ອັນພົນເດັ່ນຫຼາຍດ້ານ ແລະ ສະຫາຍ ຍັງໄດ້ ຝາກຄວາມເຊື່ອໝັ້ນ ຕໍ່ຄະນະພັກຊຸດໃໝ່ ໃຫ້ສືບຕໍ່ຊີ້ນຳ-ນຳພາ ຈັດຕັ້ງມະຕິກອງປະຊຸມໃຫ່ຍຂອງຄະນະໜ່ວຍພັກຄັ້ງນີ້ ໃຫ້ມີຜົນສຳເລັດຫຍິ່ງໃຫ່ຍກວ່າເກົ່າ.

ກອງປະຊຸມ ເປີດບັ້ນຂະບວນການ ຂໍ້ແຂ່ງຂັນ 3ດີ ຂອງ ໜ່ວຍສະຫະພັນແມ່ຍິງ ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ

ກອງປະຊຸມ ເປີດບັ້ນຂະບວນການ ຂໍ້ແຂ່ງຂັນ 3ດີ ຂອງ ໜ່ວຍສະຫະພັນແມ່ຍິງ ພະແນກ ໄປສະນີ ໂທລະຄົມມະນາຄົມ ແລະ ການສື່ສານ ແຂວງສາລະວັນ ,ໄດ້ໄຂຂື້ນຢ່າງເປັນທາງການ ໃນວັນທີ 17 ກໍກະກົດ 2019 ຜ່ານມານີ້, ທີ່ ຫ້ອງປະຊຸມ ຫ້ອງການສະຫະພັນນັກຮົບເກົ່າ ແຂວງສາລະວັນ, ໂດຍພາຍໄຕ້ການເປັນປະທານ ຂອງ ທ່ານ ນາງບຸນທະວີ ດວງລາສີ ຄະນະປະຈຳພັກແຂວງ ປະທານສະຫະພັນແມ່ຍິງແຂວງ,ຜູ້ຊີ້ນຳວຽກງານອົງການຈັດຕັ້ງມະຫາຊົນຂັ້ນແຂວງ, ທ່ານ ດຳສະອາດ ນະແກ້ງສິມ ຮອງເລຂາໜ່ວຍພັກ ຫົວໜ້າຂະແໜງ ໂທລະຄົມມະນາຄົມ ພະແນກ ປທສ ແຂວງສາລະວັນ ແລະ  ທ່ານ ນາງ ສຸດທິດາ ວົງສາລາດ ຮອງຫົວໜ້າ ໜ່ວຍສະຫະພັນແມ່ຍິງ ພະແນກ ປທສ ແຂວງ  ແລະ ມີບັນດາ ແຂກຜູ່ແທນກອງປະຊຸມທີ່ມາຈາກ ສະຫະພັນ ແມ່ຍິງໜ່ວຍ ບໍລິສັດ ລັດວິສະຫະກິດ ໄປສະນີລາວ,ບໍລິສັດ ອີທີແອລ ແລະ ຄະນະຮັບຜິດຊອບຂໍ້ແຂ່ງຂັນ 3ດີ ຕະຫຼອດຮອດ ສະມາຊິກແມ່ຍິງ ພາຍໃນໜ່ວຍ ສະຫະພັນແມ່ຍິງ ພະແນກ ປທສ ແຂວງ ທັງໝົດເຂົ້າຮ່ວມ ຈຳນວນ 18 ທ່ານ, ຍິງ 12 ທ່ານ.

ໃຫ້ກຽດຂື້ນກ່າວເປີດກອງປະຊຸມຢ່າງເປັນທາງການ ໂດຍ ທ່ານ ນາງ ສຸດທິດາ ວົງສາລາດ ຮອງຫົວໜ້າ  ໜ່ວຍສະຫະພັນແມ່ຍິງ ພະແນກ ປທສ ແຂວງສາລະວັນ,ກອງປະຊຸມ ໃນຄັ້ງນີ້ ແມ່ນໃດ້ ຜ່ານຂໍ້ຕົກລົງ ແຕ່ງຕັ້ງຄະນະຮັບຜິດຊອບ ວຽກງານຂໍ້ແຂ່ງຂັນ 3 ດີ ປະຈຳປີ 2020 ພ້ອມທັງ ສະຫຼຸບການຈັດຕັງປະຕິບັດວຽກງານຮອບດ້ານຂອງ ໜ່ວຍ ປະຈຳປີ 2019 ແລະ ວາງທິດທາງແຜນການປະຕິບັດ ຂໍ້ແຂ່ງຂັນ 3 ດີ ປະຈຳສົກປີ 2020,ບັນດາຜູ່ແທນ ແລະ ແຂກທີ່ເຂົ້າຮ່ວມທຸກທ່ານ ໃດ້ຄົ້ນຄ້ວາ ສຸມທຸກສະຕິປັນຍາ ປະກອບຄຳເຫັນໃສ່ທິດທາງແຜນການ ຂໍ້ແຂ່ງຂັນ 3 ດີ ປະຈຳສົກປີ 2020 ຢ່າງກົງໃປກົງມາ ແລະ ມີຄວາມເປັນເອກະພາບສູງ.

ຫຼັງຈາກນັ້ນ,ຕາງໜ້າສະມາຊິກ ໜ່ວຍ ສະຫະພັນແມ່ຍິງ ພະແນກ ປທສ ກໍ່ໄດ້ຂື້ນຜ່ານເນື້ອໃນຂໍ້ແຂ່ງຂັນ 3 ດີ ພ້ອມທັງ ໄດ້ຈັບມືແຂ່ງຂັນ ເພື່ອເປັນການຢັ້ງຢືນວ່າ ສະຫະພັນແມ່ຍິງ ໜ່ວຍພະແນກ ປທສ ຈະສືບຕໍ່ປະຕິບັດໃຫ້ເກີດດອກອອກຜົນໃນຕໍ່ໜ້າ , ກອງປະຊຸມໃນຄັ້ງນີ້ຍັງໃດ້ຮັບກຽດຢ່າງສູງ ຈາກ ທ່ານ ນາງ ບຸນທະວີ ດວງລາສີ ຄະນະປະຈຳພັກແຂວງ,ປະທານສະຫະພັນແມ່ຍິງແຂວງ,ຜູ້ຊີ້ນຳວຽກງານອົງການຈັດຕັ້ງມະຫາຊົນ ຂັ້ນແຂວງກໍ່ໃຫ້ກຽດມີຄຳເຫັນໂອ້ລົມ ຢູ່4 ບັນຫາໃຫ່ຍ ໃນນັ້ນ ເພີ່ນຍັງໃດ້ເນັ້ນໜັກ ໃຫ້ ສະມາຊິກ ແມ່ຍິງໃນໜ່ວຍ ພະແນກ ປທສ ແຂວງ ທຸກສະຫາຍ ສືບຕໍ່ ຄົ້ນຄ້ວາ,ຮ່ຳຮຽນ ກຳແໜ້ນ ບັນດາກົດໝາຍ, ພາລະບົດບາດ ຂອງແມ່ຍິງລາວ ເອົາໃຈໃສ່ສຸມສະຕິບັນຍາ ເຂົ້າໃນວຽກງານແມ່ຍິງ ເພື່ອໃຫ້ບັນລຸຕາມລະດັບຄາດໝາຍ ທີ່ວາງໄວ້ ແລະ ເພື່ອເປັນບ່ອນອີງ ໃນການຈັດຕັ້ງປະຕິບັດວຽກງານໃນຕໍ່ໜ້າ

ໃນວາລະທ້າຍສຸດ, ທ່ານ ນາງ ສຸດທິດາ ວົງສາລາດ ຮອງຫົວໜ້າ ໜ່ວຍສະຫະພັນແມ່ຍິງ ພະແນກ ປທສ ແຂວງສາລະວັນ ກໍ່ໃດ້ຂື້ນຮັບຄຳໂອວາດ ແລະ ສະແດງຄວາມຮູ້ບຸນຄຸນຢ່າງສູງ ທີ່ມີຄຳເຫັນ ຊີ້ທິດເຢືອງທາງ ເພື່ອນຳໃປຈັດຕັ້ງຜັນຂະຫຍາຍ ໃຫ້ປະກົດຜົນເປັນຈິງ ເທື່ອລະກ້າວ,ກອງປະຊຸມຄັ້ງນີ້ໄດ້ດຳເນີນ ເປັນເວລາ 1 ຄາບ ແລະ ປິດລົງຢ່າງເປັນທາງການ ດ້ວຍຜົນສຳເລັດ ອັນຈົບງາມ.